الماتى اۋرۋحاناسىندا بۇيرەك دونورى قايتىس بولعان. وسى دەرەك بويىنشا جەرگىلىكتى ىشكى ىستەر دەپارتامەنتى سوتالدى تەرگەۋ جۇرگىزىپ جاتىر، - دەپ حابارلايدى Tengrinews.kz 

"ۇقكد-دان الماتى قالالىق تەرگەۋ باسقارماسىنىڭ تەرگەۋشىلەرىنىڭ وندىرىسىنە بۇيرەك دونورىنىڭ ءولىمى تۋرالى ءىس 4 اقپاندا ءتۇستى. قازىرگى ۋاقىتتا ءىس بويىنشا بارلىق قاجەتتى پروسەسسۋالدىق شارالار جۇرگىزىلىپ جاتىر. كوميسسيالىق سوت ساراپتاماسى تاعايىندالدى"، - دەپ حابارلادى الماتى قالالىق ءىىد رەسمي وكىلى سالتانات ازىربەك. 

ونىڭ ايتۋىنشا، سوتالدى تەرگەۋ ق ر قىلمىستىق كودەكسىنىڭ 116-بابىنىڭ 3-بولىگى بويىنشا ("ادامنىڭ اعزالارى مەن تiندەرiن الىپ قويۋعا ماجبۇرلەۋ نەمەسە زاڭسىز الىپ قويۋ") جۇرگىزىلىپ جاتىر. 

"ازىرشە ەشكىم ۇستالعان جوق. ءىستىڭ ءمان-جايى انىقتالىپ جاتىر"، - دەدى ازىربەك. ايتا كەتەيىك، وسى باپتىڭ جازاسى - مۇلكى تاركىلەنىپ نەمەسە ونسىز، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان بەس جىلعا دەيiنگi مەرزiمگە ايىرا وتىرىپ نەمەسە ونسىز، بەس جىلدان ون جىلعا دەيiنگى مەرزiمگە باس بوستاندىعىنان ايىرۋ.

بۇيرەك دونورىنىڭ الماتىدا 19 قاڭتاردا قايتىس بولعانى بەلگىلى. اعزا اۋىستىرۋ بويىنشا وپەراسيا 7 جەلتوقساندا №7 قالالىق اۋرۋحاناسىندا بولعان. وسىعان دەيىن ق ر دەنساۋلىق ساقتاۋ ءمينيسترى "ءولىمنىڭ اسقىنۋدان" بولعانىن حابارلاعان ەدى. سەبەبى، ايتۋىنشا، كۇردەلى وپەراسيا بولعان، قان كەتكەن جانە قايتالاي وپەراسيا جۇرگىزىلگەن، الايدا دارىگەرلەر ونىڭ ءومىرىن امان الىپ قالا الماعان.