شۆەسياداعى ستوكگولم ۋنيۆەرسيتەتىنىڭ عالىمدارى ادامنىڭ قايتىس بولاتىن كۇنىن ءدال بولجاۋدىڭ ءادىسىن تاپتى، دەپ جازادى Stan.kz پورتالى، شەتەلدىك باق-قا سىلتەمە جاساپ.
ماماندار 10 جىل بويى 40-90 جاس ارالىعىنداعى 1774 شۆەدتىڭ ءومىرىن باقىلاعان. زەرتتەۋ جۇمىسى باستالماي تۇرىپ قاتىسۋشىلار ارنايى تەستىلەۋدەن وتكەن: 13 ءتۇرلى ءيىستى اجىراتقان.
زەرتتەۋ ناتيجەسىندە ادامنىڭ قايتىس بولاتىن كۇنىنىڭ جاقىنداۋى ونىڭ ءيىس ايىرا الماۋىمەن تىكەلەي بايلانىستى ەكەنى انىقتالعان. ورتاشا ەسەپپەن ءبىر ءيىستى دۇرىس ايىرا الماۋدىڭ ءوزى ونىڭ ولىمگە ءبىر تابان (8℅) جاقىنداپ قالعانىن مەڭزەگەن.
مامانداردىڭ ايتۋىنشا، مي قىزمەتى تولىقتاي دۇرىس ادام كەز كەلگەن ءيىستى اجىراتا الادى.
