بۇگىن استاناداعى باسپا ءسوز ءماسليxاتىندا جۇڭگو حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان حانxۋەي قازاقستاندىق ءانشى ديماش قۇدايبەرگەننىڭ قىتايدىڭ مادەني نارىعىنداعى تاڭعاجايىپ جەتىستىگىنە قاتىستى ءوز پىكىرىن ءبىلدىردى، دەپ xابارلايدى قازاقپارات 

"ديماش تاڭعاجايىپ جەتىستىككە جەتتى. ول قىتايدىڭ جارقىن جۇلدىزىنا اينالدى. ارينە، قازاقستاندىقتار ءۇشىن بۇل - وتە ۇلكەن بونۋس. ءوزىم سىزدەردى شىن جۇرەكتەن قۇتتىقتايمىن! نەگىزى، قازىرگى بايقاۋدى كورسەتىپ جاتقان "حۋنان" ارناسى كەڭىنەن تانىمال. ونىڭ ەفيرىنەن سان الۋان باعدارلامالار كورسەتىلەدى. الايدا شەتەلدىڭ ازاماتتارى كوپ تۇسە بەرمەيدى. ديماش بولسا، بىردەن جارق ەتىپ، جاستاردىڭ كوزىنە ءتۇستى، سولاردىڭ كوزايىمىنا اينالدى. اسىرەسە، جاس جەتكىنشەكتەر ونى قاتتى سۇيەدى، قاتتى ەمەس، قۇلاي سۇيەدى دەۋگە بولادى. ونىڭ داۋىسىنا عانا ەمەس، مىنەزىنە دە ءتانتى بولدى. ديماشتىڭ بويىنان قازاق xالقىنىڭ مادەنيەتى، ۇلى دالانىڭ مىنەزى بارىنشا بايقالادى. مىنە، ءدال وسى قاسيەت قىتايلىق كورەرمەندەردىڭ قىزىعۋشىلىعىن ارتتىرىپ وتىر. قىتايدا ديماش وتە تانىمال،  بارلىق كورەرمەندەر دەرلىك ونى بىلەدى. سوندىقتان ول ءوزىنىڭ كاسىبىن قىتايدا دامىتا الادى دەپ ويلايمىن. ول - ءبىر. ەكىنشىدەن، ول قىتايدىڭ مادەني نارىعىندا قازاقستاننىڭ تانىستىرىلىمىن وتە جاقسى جاسادى. ەندى، قازاقستاندىقتارعا قىتايدىڭ مادەني نارىعىنا جول اشىق"، - دەپ اتاپ كورسەتتى ەلشى.

ايتا كەتەيىك، بۇگىنگى باسپا ءسوز ءماسليxاتىندا چجان حانxۋەي قىتايدىڭ قازىرگى الەۋمەتتىك-ەكونوميكالىق جاعدايى تۋرالى ايتىپ بەردى. ونىڭ سوزىنە قاراعاندا، قىتايدا جىل سايىن 13،1 ملن. جاڭا جۇمىس ورىنى اشىلىپ تۇرادى.  ودان بولەك، ەلشى استاناداعى ەكسپو كەزىندە قىتايلىقتارعا جاتىن ورىنداردىڭ جەتەتىنىنە كۇدىكتەنىپ وتىر. سونداي-اق چجان حانxۋەي "قىتايلىق قاتەر" تۋرالى ءميفتى جوققا شىعارۋعا تىرىستى.