22 ناۋرىزدا «بايتەرەك» حولدينگىنىڭ ەنشىلەس ۇيىمى، قازاقستان يپوتەكالىق كومپانياسىنىڭ جەلىسى بويىنشا «نۇرلى جەر» مەملەكەتتىك باعدارلاماسىنا قاتىسۋشىلار 2017 جىلعى قىسقى ۋنيۆەرسيادانىڭ ەڭ بەلگىلى وبەكتىسى – اتلەتيكالىق اۋىلدان ساتىپ الۋ قۇقىعىمەن جالعا بەرىلەتىن پاتەرلەرگە يە بولدى دەپ حابارلايدى Qamshy.kz حولدينگتىڭ باسپا ءسوز قىزمەتىنە سىلتەمە جاساپ.

مەملەكەت باسشىسىنىڭ باستاماشىلىعىمەن جاڭا تۇرعىن ءۇي باعدارلاماسى بويىنشا تۇرعىن ءۇي الۋعا كەزەكتە تۇرعانداردىڭ 2000 اسا وتباسى تولىعىمەن الەۋمەتتىك ينفراقۇرىلىم جۇرگىزىلگەن پەرسپەكتيۆالىق شاعىناۋداننىڭ تۇرعىندارى اتالاتىن بولادى. پاتەرلەردى كوپ بالالى وتباسىلار، تولىق ەمەس وتباسىلار، مۇگەدەك بالالارى بار نەمەسە ولاردى تاربيەلەۋشi وتباسىلارى، جەتىم بالالار مەن اتا-اناسىنىڭ قامقورلىعىنسىز قالعان بالالار، ورالماندار، 1 جانە 2 توپتاعى مۇگەدەكتەر، مەملەكەتتىك قىزمەتكەرلەر، اسكەري قىزمەتشىلەر، ارناۋلى مەملەكەتتىك ورگانداردىڭ قىزمەتكەرلەرى، بيۋدجەتتىك ورگانداردىڭ قىزمەتكەرلەرى الا الادى.

- ويلاستىرىلعان ينفراقۇرىلىممەن سالىنعان تۇرۋعا ارنالعان شاعىن اۋدان بولىپ تابىلاتىن اتلەتيكالىق اۋىلعا جاڭا قونىس اۋدارۋشىلاردى قۇتتىقتاعىم كەلەدى، – دەدى «قازاقستان يپوتەكالىق كومپانياسى» يۇ» اق باسقارما ءتوراعاسىنىڭ ورىنباسارى رۋسلان كاكىم – اعىمداعى جىلى الماتى قالاسىنداعى كەزەكتە تۇرعاندارعا كومپانيا ساتىپ الۋ قۇقىعىمەن تۇرعىن ءۇيدى جالعا بەرۋ باعىتى بويىنشا تاعى دا 1780 پاتەر ۇسىنۋدى جوسپارلاپ وتىر. ول - 47 ۇيدەن تۇراتىن تۇرعىن ءۇي كەشەنى تۇركسىب اۋدانىندا ورنالاسقان جاس قانات شاعىن اۋدانى. جالپى ايماق بويىنشا نۇرلى جەر باعدارلاماسى اياسىندا جىل سوڭىنا دەيىن 190 مىڭ ش. م. بولاتىن تۇرعىن ءۇيدى پايدالانۋعا بەرۋدى جوسپارلاۋدامىز، بۇل 3000-نان اسا پاتەر، سول سەبەپتى جاڭا قونىس اۋدارۋ باقىتىنا كەنەلەتىندەردىڭ سانى ارتا تۇسپەك. 

اتلەتيكالىق اۋىل كەشەنى 23 گەكتاردان اسا اۋماقتى الىپ جاتىر، وندا 14 تۇرعىن ءۇي سالىندى (ونىڭ ىشىندە 10 ءۇي 8-9 قاباتتى جانە 4 ءۇي – 14 قاباتتى). «ەليتستروي» كومپانياسى قۇرىلىس جۇمىستارىن جۇرگىزىپ جاتىر، ول قازاقستان يپوتەكالىق كومپانياسىنىڭ قارجىلىق تۇرعىدان قولداۋىمەن، مەملەكەتتىك باعدارلامالار اياسىندا ەڭ بىرىنشىلەردىڭ قاتارىنداعى جانە ەڭ سەنىمدى قۇرىلىس كومپانيالارىنىڭ ءبىرى بولىپ وتىر. پاتەرلەر تازا ارلەنگەن كۇيدە تاپسىرىلادى، ونى سالۋ كەزىندە زاماناۋي، ەكولوگيالىق تازا ماتەريالدار پايدالانىلدى. كەشەن اۋماعى قازىرگى زامانعا ساي بەينەباقىلاۋ، كىرىپ-شىعۋدى باقىلاۋ جانە ءورت ءسوندىرۋ جۇيەسىمەن  جابدىقتالعان. مۇندا حقكو، ەمحانا، سۋپەرماركەت، بانك پەن پوشتا ءبولىم

شەسى، پوليسيانىڭ تىرەك پۋنكتتەرى جۇمىس ىستەيتىن بولادى. 7000 ادامدىق مەشىتتىڭ قۇرىلىسى جوسپارلانۋدا، قازاق ۇلتتىق اسحاناسىمەن مەيرامحانانىڭ، ۇلتتىق اسپاپتاردىڭ مۋلتيمەديالىق مۇراجايىنىڭ، «الاتاۋ» ءداستۇرلى ونەر تەاترىنىڭ جانە قولونەر كادەسىيلارىن ساتۋ ورتالىعىنىڭ جۇمىستارى ارى قاراي جالعاسادى.

اتلەتيكالىق اۋىلدى سالۋ كەزىندە قازاقستاندىق ءوندىرىس ماتەريالدارى پايدالانىلدى – بەتون، سەمەنت، مەتالل پروكاتى، مىرىشپەن قاپتالعان مەتالل، قۇرعاق قۇرىلىس قوسپالارى جانە ت.ب.، جوباعا بارلىعى 500-دەن اسا وتاندىق وندىرۋشىلەر تارتىلدى.

مەملەكەتتىك باعدارلامالاردى ىسكە اسىرا باستاعاننان-اق قازاقستان يپوتەكالىق كومپانياسىنىڭ باعىتى بويىنشا 2 جىل ىشىندە تۇرعىن ۇيلەردى پايدالانۋعا ەندىرۋ رەسپۋبليكا بويىنشا 13 مىڭنان اسا پاتەردى قۇرادى. تۇرعىن ۇيلەر استانا، الماتى، شىمكەنت، تۇركىستان، اقتوبە، اقتاۋ، وسكەمەن، قاراعاندى، كوكشەتاۋ، قوستاناي، قىزىلوردا، پاۆلودار، سەمەي، تالدىقورعان، تاراز، ورال، پەتروپاۆل، اتىراۋ، رۋدنىي قالالارىندا، سونىمەن قاتار الماتى، اقمولا جانە شىعىس قازاقستان وبلىستارىندا پايدالانۋعا بەرىلدى.

قيك جەلىسى بويىنشا باعدارلاماعا قاتىسۋ ءۇشىن باستاپقى جارنا تالاپ ەتىلمەيدى، قوسىمشا كەپىلدىڭ قاجەتى جوق، قاراستىرعانى ءۇشىن كوميسسيا دا الىنبايدى. ساتىپ الۋ قۇقىعىمەن جالداۋ مەرزىمى - 20 جىلدى قۇرايدى، مەرزىم اياقتالعاندا تۇرعىن ءۇي جالعا الۋشىنىڭ مەنشىگىنە وتەدى، تابىس جەتكىلىكسىز بولعاندا كەپىلگەرلەردى تارتۋ مۇمكىندىگى قاراستىرىلعان. جالعا الۋشىعا اي سايىنعى جالداۋ تولەمدەرى سوماسى مەن وتەۋ كەستەسى بەلگىلەنەدى، وسىعان سايكەس بەلگىلەنگەن سومانى تۇراقتى نەگىزدە تولەپ وتىرۋ كەرەك.  

«بايتەرەك» ۇلتتىق باسقارۋشى حولدينگى» اق قازاقستان رەسپۋبليكاسى پرەزيدەنتىنىڭ 2013 جىلعى 22 مامىرداعى جارلىعىنا سايكەس قۇرىلدى. حولدينگتى قۇرۋ ماقساتى ۇلتتىق ەكونوميكانى دامىتۋ مەن ءارتاراپتاندىرۋ، ينۆەستيسيالاردى تارتۋ، كلاستەرلەردى دامىتۋ جانە ونىڭ ەنشىلەس ۇيىمدارىنداعى كورپوراتيۆتىك باسقارۋ جۇيەسىن جەتىلدىرۋ بولىپ تابىلادى.  حولدينگكە كىرەتىندەر: «قازاقستاننىڭ دامۋ بانكى» اق، «قازاقستاننىڭ ينۆەستيسيالىق قورى» اق، «قازاقستاننىڭ تۇرعىن ءۇي قۇرىلىس جيناق بانكى» اق، «قازاقستان يپوتەكالىق كومپانيا» يۇ» اق، «دامۋ» كاسىپكەرلىكتى دامىتۋ قورى» اق، «تەحنولوگيالىق دامۋ جونىندەگى ۇلتتىق اگەنتتىگى» اق، «قازاقستاننىڭ يپوتەكالىق كرەديتتەرگە كەپىلدىك بەرۋ قورى» اق، «كازىنا كاپيتال مەنەدجمەنت» اق، «بايتەرەك ديەۆەلوپمەنت» اق، «Kazakhstan Project Preparation Fund» ج ش س، «قازەكسپورتگارانت» ەكسپورتتىق-كرەديتتىك ساقتاندىرۋ كورپوراسياسى» اق. حولدينگ وسى كومپانيالاردىڭ اكسيالارىنىڭ مەملەكەتتىك پاكەتىن يەمدەنۋ جانە پايدالانۋ قۇقىعىنا يە.