جيىن ءوتىپ جاتقان ەمحانانىڭ پاسيەنتى تۋرا دەنساۋلىق ساقتاۋ ءمينيسترىنىڭ كوزىنشە شۋ شىعاردى. 70 جاستاعى زەينەتكەردى دارىگەرلەر قابىلداماي ابدەن ساندالتقان ەكەن. اشىنعان كەيۋانا ەمحانانى ارالاپ جۇرگەن ەلجان ءبىرتانوۆقا شاعىمدانىپ، استانالىق اق حالاتتىلاردىڭ بار بىلىعىن جايىپ سالدى، دەپ حابارلايدى qamshy.kz كتك ارناسىنا سىلتەمە جاساپ. 

ءومىرزاق تايجانوۆا، استانا قالاسىنىڭ تۇرعىنى: 

– مەدبيكە دۇرىس جۇمىس ىستەمەيدى.حيرۋرگقا كىرۋ ءۇشىن مينيسترلىكە قوڭىراۋ شالدىم.سوسىن ولار مەنى حيرۋرگكە جازدى. بۇل نە ماسقارا؟ وڭباعاندار!

ياعني ءومىرزاق اجەي قالالىق دەنساۋلىق ساقتاۋ باسقارماسىنا شاعىمدانىپ ءجۇرىپ، حيرۋرگتىڭ قابىلداۋىنا ارەڭ جازىلىپتى.ءجۇرىپ-تۇرۋى قيىن زەينەتكەر تەگىن بەرىلەتىن ءدارىسىن دە الا الماي ءجۇر ەكەن. ءمينيستردىڭ كوزىنشە بار كەمشىلىكتى جايىپ سالعان اجەيدى ەمحاناداعى اق حالاتتىلار كابينەتكە دەرەۋ ەرتىپ اكەتىپ، اشۋىن ارەڭ باستى. ال تەكسەرۋگە كەلگەن ءمينيستردىڭ الدىندا تەك جەتىستىكتەرىن ءتىزىپ جۇرگەن ەمحانانىڭ باس دارىگەرى سوزدەن توسىلىپ قالعانىمەن، قوبالجۋىن بىلدىرمەۋگە تىرىستى.

التىنشاش تابىلدينا، №5 ەمحانانىڭ باس دارىگەرى:

 – ناۋقاستىڭ ايتىپ تۇرعانى راس. حيرۋرگقا ۋچاسكەلىك دارىگەر كەزەككە قويادى. بۇل كوپ ادامنىڭ كوڭىلىنەن شىقپايدى. ءقازىر ەمحانادا تەلەفونعا 4 وپەراتور جاۋاپ بەرىپ وتىر. ەگەر ولار جاۋاپ بەرمەسە، كۇتۋ كەرەك.