الماتىداعى وقۋشىلار سارايىندا جۋرناليستەر مەن بلوگەرلەر اراسىندا شاحماتتان تۋرنير ءوتتى. Aikyn media open سايىسىنا جالپى سانى 30 ادام قاتىستى. دەمالىس كۇنىن ءتيىمدى پايدالانعان ب ا ق وكىلدەرى وي سەرگىتىپ قانا قويماي، ۇيىمداستىرۋشىلار تاراپىنان بەرىلگەن سىيلىقتارعا يە بولدى دەپ حابارلايدى Qamshy.kz
ەلىمىزدەگى بەدەلدى باسىلىمداردىڭ ءبىرى «ايقىن» رەسپۋبليكالىق قوعامدىق-ساياسي گازەتى 13 جىلدىق مەرەيتويىنا وراي وسىنداي شارانى قولعا الدى. ءتورتىنشى بيلىك يەلەرىنىڭ باسىن قوسقان تۋرنيرگە جاس جۋرناليستەردەن باستاپ ارداگەرلەرگە دەيىن قاتىستى. ويىن شۆەيسار ۇلگىسىندە وتكەندىكتەن، جەڭىسكە جەتۋ مۇمكىندىگى جوعارى ەدى. ياعني جالپى سانى 7 تۋردا جيناعان ۇپاي ساندارى ەسەپتەلىپ، قورىتىندى شىعارىلادى. سۋىرىلىپ ۇزدىك شىققان تىلشىگە Air Astana اۋەكومپانياسى تەگەرانعا بيزنەسس-كلاسقا ەكى بيلەت تابىستادى. جەڭىمپاز اتالعان جولدامامەن يراننىڭ استاناسىنا وسى جىلدىڭ اياعىنا دەيىن قالاعان كۇنىندە بارا الادى.
وسىعان دەيىن ب ا ق وكىلدەرى اراسىندا وتكىزىلگەن تالاي تۋرنيردە توپ جارعان ارسيلان الاحۋنوۆقا باس جۇلدە بۇيىردى. «ۇيعىر اۆازي» رەسپۋبليكالىق قوعامدىق-ساياسي گازەتىنىڭ تىلشىسىنە عانا ەسە جىبەرگەن جاس بلوگەر، شاحماتتان ءى-رارزريادقا يە قۋانىش سۇلەيمەنگە ەكىنشى ورىن بۇيىرىپ، «كەرنەۋ Limited» اتىنان پلانشەت تابىستالدى. قولا جۇلدەگە تالاس قىزۋ بولدى. جارىس قورىتىندىسىندا ۇپاي ساندارى تەڭ تۇسكەن ءتورت ويىنشىعا دا ءۇشىنشى ورىن بەرىلدى. دەگەنمەن كوەففيسيەنت بويىنشا قۇمار باقداۋلەت باسىم ءتۇسىپ، پلانشەت يەگەرى اتاندى. سايكەسىنشە، بايپەيىسوۆ اسقات، قاماتايەۆ قانات پەن ءتۇسىپحان نۇربەك ەسىمدى جۋرناليستەر دە جۇلدەلى ءۇشىنشى ورىندى يەلەندى. بۇدان بولەك بەلسەندى قاتىسقان ءبىرقاتار تىلشىلەرگە باعالى سىيلىقتار تابىستالدى. سونىمەن بىرگە نۇرتورە ءجۇسىپتىڭ «مىڭ قۇمىرسقا جانە ءبىز» كىتابى مەن ەرماحان شايحىنىڭ «قوڭىر قاجىنىڭ كۇندەلىگى» كىتابى كەلگەندەرگە ۇلەستىرىپ بەرىلدى. شاحمات ءتۋرنيرىن وتكىزۋدى داستۇرگە اينالدىرامىز دەيدى گازەت باسشىسى.
نۇرتورە ءجۇسىپ، «ايقىن» گازەتىنىڭ باس رەداكتورى:
گازەتىمىز بيىل ءبىر مۇشەلگە كەلىپ وتىر. وسى ايتۋلى مەرەكەنى قالاي وتكىزسەك دەپ كوپ ويلاندىق. ناتيجەسىندە شاحماتتان تۋرنير وتكىزۋگە بەل بايلادىق. بۇل ارقىلى جۋرناليستەردىڭ قولىنان شاحمات ويناۋ كەلەتىنىن كورسەتىپ، مىقتىلار ويىنىن كەڭىرەك ناسيحاتتاعىمىز كەلدى. ەلىمىزگە بەلگىلى جاس شاحماتشى جانسايا ابدىمالىكتىڭ شاحمات اكادەمياسى اشىلدى. ۇسىنىسىمىزدى جەرگە تاستاماي، وسى جەردە وتكىزۋىمىزگە كەلىسىم بەردى. وسى شارانىڭ وتۋىنە ات سالىسقان بارشا جاندارعا العىس بىلدىرگىمىز كەلەدى. ءتۋرنيردى الداعى ۋاقىتتا ءداستۇرلى تۇردە ۇيىمداستىرىپ تۇرامىز دەگەن جوسپارمىز بار.
ايان نىسانالين، ارداگەر-جۋرناليست:
مۇنداي شارالار ءجيى ۇيىمداستىرىلىپ تۇرۋى قاجەت. سەبەبى كۇنى بويى جۇمىستان باس المايتىن جۋرناليستەر ءبىر ءسات سەرگىپ قالعاندارى جاقسى. شاحمات - ويى–داردىڭ تورەسى. ءوز تاراپىمنان ايتار ۇسىنىسىم بار. «ايقىن» گازەتىنىڭ ۇجىمى كەلەر جىلى تاعى وتكىزەتىن بولسا، ءتۋرنيردى تاكەن ءالىمقۇلوۆتىڭ قۇرمەتىنە قويسا ەكەن. ويتكەنى قالامگەر-جۋرناليستەر اراسىندا ءدال تاكەن اعاعا تەڭ كەلەر قارسىلاستار بولماعان. ءوز ارامىزدا كىشىگىرىم سايىستار ءجيى ءوتىپ تۇرادى. ارداگەر بولساق تا، مۇمكىندىگىنشە قاتىسامىز. ۇيىمداستىرۋشىلارعا راحمەت ايتقىم كەلەدى.
