بۇكىلالەمدىك بوكس كەڭەسى قازاقستاندىق بوكسشى گەنناديي گولوۆكيننىڭ كەزەكتى قارسىلاسىن انىقتادى. 

GGGء-دىڭ ەندى ارگەنتينالىق حورحە حەيلاند (28-4-2، 15 كو) پەن امەريكالىق دجەرمالل چارلو (25-0، 19 كو) اراسىنداعى كەزدەسۋدىڭ جەڭىمپازىمەن جەكپە-جەككە شىعادى. بۇل تۋرالى vRINGe.com پورتالى ESPN Deportes پورتالىنا سىلتەمە جاساپ حابارلايدى.

بۇل جەكپە-جەكتىڭ ماڭىزدى ەكەنىن ەسكەرە كەتۋ كەرەك. سەبەبى، بۇكىلالەمدىك بوكس كەڭەسىنىڭ (WBC) بەلبەۋى ساراپقا سالىنادى.

ەسكە سالايىق، چارلو بۇعان دەيىن 69،9 كەلى سالماقتاعى IBF تۇجىرىمى بويىنشا الەم چەمپيونى اتاعىنان باس تارتىپ، ورتا سالماققا اۋىسقانىن حابارلاعان ەدى. ول ءوزىنىڭ سوڭعى كەزدەسۋىن وتكەن جىلدىڭ جەلتوقسان ايىندا وتكىزىپ، دجۋليان ۋيلمستان اسىپ ءتۇستى.

حەيلاند بولسا بىرنەشە ۋاقىتتان بەرى ورتا سالماقتا WBC رەيتينگىندە كوش باستاپ كەلەدى. ءبىراق ءالى دە چەمپيوندىق بەلبەۋ ءۇشىن جەكپە-جەك وتكىزگەن جوق.

vRINGe.com پورتالىنىڭ مالىمەتىنشە، بۇل ەكى بوكسشى اراسىندا وتەتىن كەزدەسۋدىڭ جەڭىمپازى الداعى ۋاقىتتا قازاقستاندىق بوكسشى گەنناديي گولوۆكينمەن كەزدەسۋى كەرەك.