يتاليانىڭ سىرتقى ىستەر مينيسترلىگىنىڭ باسشىسى اندجەلينو الفانو جۋىق ارادا G8 فورماتى رەسەيدىڭ قاتىسۋىمەن ءوتىپ، تىڭ جۇمىستار باستالاتىنىنا سەنىمدى. بۇل جايىندا ساياساتكەر ماسكەۋگە بارار ساپارىنىڭ الدىندا حابارلادى.

«تاورميندە وتكەن سامميتتەگى G7 فورماتى سوڭعى بولدى دەپ ۇمىتتەنەم. كەلەسى G8 فورماتى رەسەيدىڭ قاتىسۋىمەن وتەتىن بولادى. الايدا، بۇل سەناريي ماسكەۋدىڭ قۇرىلىمدىق جانە بىرلەسكەن جۇمىسىنا بايلانىستى قۇرىلادى. ءبىز رەسەيدىڭ حالىقارالىق ارەنادا ۇلكەن ۇلەس قوساتىن سەنىمدى سەرىكتەس اتانارىنا سەنەمىز»،  - دەدى الفانو ريا جاڭالىقتار قىزمەتىنىڭ تىلشىسىنە بەرگەن سۇحباتىندا.    
 

سونداي-اق، الفانو رەسەيگە قارسى سەكتورلى ەكونوميكالىق سانكسيانىڭ جويىلاتىنىن مالىمدەدى.

«ەكى ەلدىڭ ىنتىماقتاستىعى نىعايىپ، ەكونوميكاسىنا جاڭا مۇمكىندىكتەر كەلەتىن ءساتتىڭ جاقىن ارادا ورنايتىنى ءسوزسىز».

ەسكە سالا كەتەيىك،  2014 جىلعى مەملەكەت باسشىلارىنىڭ سوچيداعى دامىعان مەملەكەتتەردىڭ فورمالدى ەمەس كلۋبىنا بارۋدان باس تارتىپ، رەسەيسىز بريۋسسەلدە باس قوستى. وعان قىرىمنىڭ رەسەيگە قوسىلىپ، ۋكراينانىڭ شىعىسىنداعى قاقتىعىستىڭ شيەلەنىسكەنى سەبەپ بولعان.