26-شى ناۋرىزدا رەسەيدىڭ بىرنەشە قالاسىندا جەمقورلىققا قارسى اكسيا ءوتتى. پوليسيا جۇزدەگەن ادامدى ۇستادى دەپ حابارلايدى bbc.com.
سانكت-پەتەربۋرگ. پلاكات ۇستاعاندار پرەمەر-مينيستر دميتريي مەدۆەديەۆتىڭ الەكسەي ناۆالنىيدىڭ ايىپتاۋلارىنا جاۋاپ بەرۋىن سۇرادى.
كوبى ساياسي ۇراندار جازىلعان پلاكاتتارمەن شىقتى.
ماسكەۋدەگى پۋشكين الاڭىندا بىردەن ادامداردى ۇستاي باستادى.
رەسەي تۋىمەن شىققاندارى كوپ بولدى.
كەڭەس كەزىنەن باستاپ ماسكەۋدەگى پۋشكين الاڭى قارسىلىق اكسياسىن وتكىزەتىن جەر بولىپ ەسەپتەلەدى.
ۇستالعانداردىڭ كوبىنە اكىمشىلىك حاتتاما تولتىرىلادى.
ميتينگ باستالماي جاتىپ-اق پۋشكين الاڭىنداعىلاردى ۇستاي باستادى.
ءبىر ماسكەۋدىڭ وزىندە 500 ادامدى پوليسەيلەر ۇستاپ اكەتتى. ونىڭ ىشىندە كامەلەت جاسقا تولماعاندارى دا بار.
ادامدار پوليسيا اۆتوكولىگىندە وتىرىپ تا قارسىلىعىن ءبىلدىرىپ جاتتى.
اتالمىش قارسىلىق اكسياسى كەزىندە ۇستالعان ادامدار سانى پوستسوۆەتتىك رەسەي كەزىندەگى ەڭ اۋقىمدىسى بولدى.
ۇستالعانداردىڭ ىشىندە جەمقورلىققا قارسى اكسياسىن ۇيىمداستىرعان الەكسەي ناۆالنىي دا بار.
