نۇرلان الدابەرگەنوۆ قازاقستان رەسپۋبليكاسى پرەمەر-مينيسترى كەڭسەسىنىڭ باسشىسى قىزمەتىنە تاعايىندالدى، دەپ حابارلايدى قازاقپارات

نۇرلان شادىبەك ۇلى الدابەرگەنوۆ 1962 جىلى 19 قاراشادا الماتى قالاسىندا دۇنيەگە كەلگەن. 1984 جىلى الماتى ساۋلەت-قۇرىلىس ينستيتۋتىن ينجەنەر-قۇرىلىسشى ماماندىعى بويىنشا ءتامامداعان. 1987 جىلى ۆ.ۆ.كۋيبىشيەۆ اتىنداعى ماسكەۋ ينجەنەرلىك-قۇرىلىس ينستيتۋتىنىڭ اسپيرانتۋراسىن اياقتاپ، ەكونوميكا عىلىمدارىنىڭ كانديداتى اتانادى.  2005 جىلى د.ا.قونايەۆ اتىنداعى ۋنيۆەرسيتەتتى زاڭگەر ماماندىعى بويىنشا بىتىرگەن.

ەڭبەك جولى:

1988-1989 جىلدارى - الماتى ساۋلەت-قۇرىلىس ينستيتۋتىندا كىشى، اعا عىلىمي قىزمەتكەر؛

1989-1993 جىلدارى - بورالداي قابىرعا ماتەريالدارى وندىرىستىك بىرلەستىگى باس ديرەكتورىنىڭ ورىنباسارى؛

1993-1994 جىلدارى - «الما» فيرماسىنىڭ باس ديرەكتورى؛

1994-1995 جىلدارى - قازاقستان رەسپۋبليكاسى اۋىل شارۋاشىلىعى مينيسترلىگى قازاگرومەليوۆودحوز سىرتقى ەكونوميكالىق بايلانىستار باسقارماسىنىڭ باستىعى؛

1995-1996 جىلدارى - «الما» فيرماسىنىڭ باس ديرەكتورى.

1996 جىلدان الماتى قالاسى بويىنشا باعا جانە مونوپولياعا قارسى ساياسات كوميتەتى ءتوراعاسىنىڭ ورىنباسارى.

1999 جىلدان - الماتى قالاسى بويىنشا تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتىنىڭ ديرەكتورى.

2004 جىلدان - ق ر تابيعي مونوپوليالاردى رەتتەۋ اگەنتتىگى ءتوراعاسىنىڭ ورىنباسارى.

2007 جىلدان - ق ر تابيعي مونوپوليالاردى رەتتەۋ اگەنتتىگىنىڭ ءتوراعاسى.

2012 جىلدان باستاپ ەۋرازيالىق ەكونوميكالىق كوميسسيانىڭ القا مۇشەسى بولدى. 

«قۇرمەت» وردەنىمەن، «قازاقستان كونستيتۋسياسىنا 10 جىل» مەدالىمەن ماراپاتتالعان.