ءۇقۇ-نىڭ بۇرىنعى ءتوراعاسى، "مەملەكەتتىك قۇپيانى جاريالاۋ" جانە "قىزمەت بابىن اسىرا پايدالانۋ" كۇدىگىنە ىلىنگەن نارتاي دۇتبايەۆتى قاماۋ مەرزىمى ەكى ايعا ۇزارتىلعان دەپ حابارلادى بۇگىن استانا سوتىنا سىلتەمە جاساعان جەرگىلىكتى اگەنتتىكتەر.

قازاقپاراتتىڭ حابارلاۋىنشا، استانانىڭ ەسىل اۋداندىق №2 سوتى 14 ناۋرىزدا نارتاي دۇتبايەۆتى قاماۋ مەرزىمىن 26 مامىرعا دەيىن ۇزارتقان. سوت سونىمەن قاتار دۇتبايەۆپەن بىرگە قامالعان ۇقك-نىڭ بۇرىنعى قىزمەتكەرلەرى نۇرلان حاسەن جانە ەرلان نۇرتايەۆتىڭ دا قاماۋ مەرزىمدەرىن دە 26 مامىرعا دەيىن ۇزارتقان.

ۇقك بۇعان دەيىن نارتاي دۇتبايەۆ پەن نۇرلان حاسەن جانە ەرلان نۇرتايەۆتىڭ 26 جەلتوقساندا "مەملەكەتتىك قۇپيانى اشكەرەلەدى، بيلىگىن جانە قىزمەت بابىن اسىرا پايدالاندى" دەگەن كۇدىكپەن ۇستالعانىن حابارلاعان. ولاردىڭ ۇيلەرىندە "ءتىنتۋ جۇرگىزىلىپ، زاتتاي ايعاقتار تاركىلەنگەن". 28 جەلتوقساندا كۇدىكتىلەر سوت شەشىمىمەن ەكى ايعا قامالىپ، ۇقك-نىڭ تەرگەۋ اباقتىسىنا جابىلعان.

اقپاندا سوت كۇدىكتىلەردى قاماۋ مەرزىمىن ناۋرىزدىڭ 26-سىنا دەيىن سوزعان ەدى.