استانادا «ساحناگەر-2017» ۇلتتىق تەاتر سىيلىعىنىڭ لاۋرەاتتارىن ماراپاتتاۋ سالتاناتى وتەدى.  بۇگىن ورتالىق كوممۋنيكاسيالار قىزمەتىندە وتكەن بريفينگتە  قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى  ءاسانالى ءاشىموۆ، كينو جانە تەاتر اكتريساسى، قازاقستاننىڭ ەڭبەك سىڭىرگەن ءارتىسى مەرۋەرت وتەكەشوۆا، مەملەكەتتىك رەسپۋبليكالىق كورەي مۋزىكالىق كومەديا تەاترىنىڭ ديرەكتورى ليۋبوۆ ني، ق ر ەڭبەك سىڭىرگەن قايراتكەرى ەرلان ءبىلال، «قازاق اۋەندەرى» اق پرەزيدەنتى اسحات ماەميروۆ  «ساحناگەر-2017» ۇلتتىق تەاتر سىيلىعى تۋرالى اڭگىمەلەپ بەردى دەپ حابارلايدى qamshy.kz.

بۇل سىيلىق رەسپۋبليكامىزدا جۋىردا تاعايىندالعان ءارى العاش رەت تاپسىرىلادى. سالتاناتتى جيىن «قازاقستان» ورتالىق كونسەرت زالىندا قازاقستاننىڭ تەاتر قاۋىمداستىعىنىڭ وكىلدەرىنىڭ قاتىسۋىمەن وتپەك. وسى جىلى قازاقستاندا حالىقارالىق  تەاتر  كۇنى تەاتر ونەرى سالاسىنداعى ەلەۋلى وقيعا – «ساحناگەر-2017» ۇلتتىق تەاتر سىيلىعىن تاپسىرۋ سالتاناتىمەن ەرەكشەلەنبەكشى.

قازاقستاندىق «ساحناگەر-2017» ۇلتتىق تەاتر سىيلىعى «سامۇرىق-قازىنا» ۇلتتىق ءال-اۋقات قورى» اق قولداۋىمەن 2017 جىلى   قازاقستان  تەاترلارى  اسسوسياسياسىنىڭ باستاماسىمەن تاعايىندالىپ وتىر. ۇلتتىق سىيلىق تەاتر ءداستۇرىن ساقتاۋ مەن نىعايتۋعا باعىتتالعان.

قازاقستان  تەاترلارى  اسسوسياسياسىنىڭ (قتا) نەگىزى 2016 جىلى قالانعان. ونىڭ پرەزيدەنتى بولىپ قازاقستان مەن كسرو حالىق ءارتىسى، مەملەكەتتىك سىيلىقتار لاۋرەاتى، رەسەي فەدەراسياسىنىڭ «م. لومونوسوۆ» وردەنىنىڭ كاۆالەرى، «وتان»، «دوستىق» وردەندەرىنىڭ كاۆالەرى ءاسانالى ءاشىموۆ تاعايىندالعان بولاتىن.  

قازاقستاندىق «ساحناگەر-2017» ۇلتتىق تەاتر سىيلىعى تەاتر ونەرى سالاسىنداعى شىعارماشىلىق جەتىستىكتەر ءۇشىن بەرىلەدى. تەاتر قاۋىمداستىعىنىڭ پىكىرى بويىنشا، سىيلىق قازاقستاندىق پاتريوتيزم مەن ۇلتتىق مادەنيەتكە دەگەن سۇيىسپەنشىلىكتى نىعايتۋعا باعىتتالىپ، ەڭبەككە، كاسىبي جەتىستىككە، وتانعا قىزمەت ەتۋگە، جوعارعى پاتريوتتىق يدەيالارعا وڭ كوزقاراس قالىپتاستىراتىن تۋىندىلاردىڭ دۇنيەگە كەلۋىنە ىقپال ەتۋ ءتيىس.  

سونداي-اق، «ساحناگەر» سىيلىعى ەلىمىزدىڭ مادەني كەڭىستىگىن بىرىكتىرىپ قانا قويماي، شىعارماشىلىق تاجىريبەمەن تۇراقتى الماسۋ ءۇشىن جاعداي جاساماق. ۇلتتىق سىيلىق اياسىندا جاس دارىندى ارتىستەردى قولداۋعا ەرەكشە نازار اۋدارىلاتىن بولادى.   

«ساحناگەر» سىيلىعى كەلەسى نوميناسيالار بويىنشا ۇزدىكتەردى انىقتايدى: «جىلدىڭ ۇزدىك رەجيسسەرى»، «جىلدىڭ ۇزدىك قويۋشى-سۋرەتشىسى»، «جىلدىڭ كوستبم بويىنشا ۇزدىك سۋرەتشىسى»، «جىلدىڭ جارىق بويىنشا ۇزدىك سۋرەتشىسى»، «ۇزدىك ايەل ءرولى»، «ۇزدىك ەر ءرولى»، «جىلدىڭ ۇزدىك سپەكتاكلى»، «جىلدىڭ ۇزدىك بالالارعا ارنالعان سپەكتاكلى»، «جىلدىڭ ۇزدىك دراماتۋرگى»، «جىلدىڭ ۇزدىك گريمەرى»، «جىلدىڭ ۇزدىك تەاتر سىنشىسى»، «سپەكتاكلدىڭ ۇزدىك مۋىزكالىق راسىمدەلۋى»، «تەاتر ونەرىن دامىتۋعا قوسقان ۇلەسى ءۇشىن»، «جىل اشۋى»، «ۇزدىك وپەرا/بالەت پارتياسى». ىرىكتەۋ تۋرىنا قازاقستاننىڭ 52 تەاتر ۇجىمى قاتىستى.