عالامتوردا "شىمكەنت" دەگەن اتاۋمەن ۆيدەو جاريالاندى. وندا كيمەشەك كيگەن ايەل مەن قازاقتىڭ شاپانىن جاپقان ەر ادامنىڭ ەرسى ءبيىن كورەسىز. وقيعا بالاباقشادا ۇلىستىڭ ۇلى كۇنىنە ارنالعان مەرەكەلىك شارادا بولۋى مۇمكىن. قازاقتىڭ ۇلتتىق كيىمىن كيىپ شەتەلدىڭ انىنە بالالاردىڭ كوزىنشە بيلەگەنى حالىقتىڭ جاعاسىن ۇستاتتى. بالاباقشا - بۋىنى قاتپاعان، ومىرگە ءتاي-تاي باسىپ كەلە جاتقان، كورگەنىن اينا قاتەسىز قايتالاپ، كوڭىلىنەن توقىپ الاتىن بالالاردى تاربيەلەيتىن وردا ەكەنىن ەسكەرسەك، وندا مۇنداي قىلىق كورسەتۋ ۇيات. ادەتتە مەرەكەلىك ءىس-شارالاردا بالالار مەن قوسا تاربيەشىلەر ونەر كورسەتەتىنى انىق. ەگەر ۆيدەوداعى وقيعا بالاباقشادا جانە ەرسى بيىمەن كوزگە تۇسكەن قازاقتىڭ "اجەسى" مەن "اتاسى" تاربيەشى بولسا بالالارعا قانداي تاربيە بەرەدى دەگەن زاڭدى سۇراق تۋىندايدى.