ق ر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك ءتىلدى ناسيحاتتاۋ، قازاق تىلىندەگى كونتەنتتى ارتتىرۋ ماقساتىندا «مەملەكەتتىك ءتىل جانە ب ا ق» رەسپۋبليكالىق كونكۋرسىن وتكىزەدى دەپ حابارلايدى qamshy.kz.

كونكۋرس ءتورت نوميناسيادان تۇرادى:

            1) «ۇزدىك ماقالا»؛

2) «ۇزدىك تەلەارنا باعدارلاماسى»؛

3) «ۇزدىك راديو باعدارلاماسى»؛

4) «ۇزدىك سايت ماقالاسى».

4. كونكۋرسقا مەملەكەتتىك ءتىل جانە ونىڭ دامۋى تۋرالى ماقالالاردى جاريالاعان (باعدارلاما قۇراستىرعان) جۋرناليستەر قاتىسا الادى.

كورسەتىلگەن ءتورت نوميناسيانىڭ بىرەۋى بويىنشا ءوتىنىمدى كوميتەتكە 2017 جىل 15-شى مامىرعا دەيىن مىناداي قۇجاتتارمەن بەرىلەدى:

1) كونكۋرسقا قاتىسۋ تۋرالى ءوتىنىم (وسى قاعيدانىڭ قوسىمشاسىنا سايكەس نىسان بويىنشا)؛

2) 2016 جىلعى 10 ماۋسىم مەن 2017 جىلعى 15 مامىر ارالىعىندا مەملەكەتتىك ءتىلدى ناسيحاتتاۋ ماقساتىندا بۇقارالىق اقپارات قۇرالدارىندا جارىق كورگەن ءۇش ماتەريالدى، سونىڭ ىشىندە راديو جانە تەلەباعدارلامالاردى، مەملەكەتتىك تىلدەگى سايتتارداعى، مەرزىمدىك باسپاسوزدەگى جاريالانعان ماقالالاردى؛

3) ماقالا جاريالانعان گازەت-جۋرنالدار، سايتتاردىڭ سكرينشوتتارى، باعدارلامالاردىڭ DVD ديسكىدەگى جازباسى، «Word» فورماتىنداعى ەلەكتروندىق نۇسقاسى؛

4) ۇسىنىلعان ماتەريالداردىڭ (سىلتەمەلەرىنىڭ) «Tilalemi.kz» پورتالىنداعى «مەملەكەتتىك ءتىل جانە ب ا ق» ايدارىنا ورنالاستىرىلعاندىعىن راستايتىن قۇجات (سكرينشوتتار).

كونكۋرس جەڭىمپازدارى مەن جۇلدەگەرلەرى ارنايى ديپلومدارمەن جانە اقشالاي سىيلىقتارمەن ماراپاتتالادى.

كونكۋرسقا ۇسىنىلاتىن ماتەريالدار 2017 جىلعى 15 مامىرعا دەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەكەنجايىنا جولدانۋى ءتيىس.