پەدوفيلدى ولتىرگەن قىزدىڭ ايىپپۇلىن سوت ءوز موينىنا الدى. قىز 8 جاسىندا پەدوفيلدىڭ قورلىعىن كورگەن. 56 جاستاعى ەر كىسى ۇلكەن قىلمىسپەن تۇرمەگە قامالعان، الايدا 2009 جىلى قاشىپ شىعىپى.

ۇستالعان سوڭ قىلمىسكەرگە ءۇي قاماقتا ۇستاۋ كەرەك دەپ ۇكىم شىعارىلدى.

سوت قابىلداعان بۇنداي جازا ءتۇرى ءومىردىڭ قورلىعىن ەرتە كورگەن قىز ءۇشىن ۇلكەن كۇيزەلىس بولدى. سەبەبى، تۇرمەدەن قاشىپ شىققان ادام ءۇي قاماقتا وتىرسا، مىندەتتى تۇردە ۇيىنەن شىعۋدىڭ امالىن قاراستىرار ەدى. سولاي ىستەدى دە.

2015 جىلدىڭ قاراشاسىندا قىز پەدوفيلدىڭ ۇيىنە ءوزى بارىپ، وتباسى مۇشەلەرىنىڭ كوزىنشە قىلمىسكەردىڭ ىشىنە پىشاق سۇعادى.

پروكۋرور حيزەر گيلموردىڭ ايتۋىنشا، پىشاق ەركەكتىڭ كەۋدە تۇسىنا تيگەن جانە كۇرەتامىرىن كەسىپ وتكەن. ءبىراق، امان قالىپتى.

بۇل ىسىنەن سوڭ قىز برەلفورد قالاسىنداعى پوليسيا بولىمشەسىنە ءوزى بارىپ، ەر كىسىگە پىشاق تىققانىن ايتىپ بەرەدى. ادام ولتىرمەك بولدى دەگەن ايىپپەن پروكۋور قىزدى 2 جىلعا باس بوستاندىعىنان ايىرادى.

الايدا دجوناتان دارەم حولل ەسىمدى سوت تورەشىسى قىزعا قاتىستى بۇنداي شەشىم قابىلدانۋىنا قارسى شىعادى.

«مەن وتباسىن اسىراپ وتىرعان قىزدى تۇرمەگە توعىتا المايمىن» دەدى سوت ۇستىندە تورەشى.

سوتتىڭ ايتۋىنشا، پەدوفيل قىزدىڭ ءومىرىن قۇرتقان، ونىڭ ودان باسقا امالى بار ما ەدى؟

ءسويتىپ، قىز جازادان قۇتىلادى. «پەدوفيلگە بەرىلگەن جازا شىن مانىسىندە جەڭىل بولعان ەدى. الايدا، تاعدىر ونى باسقاشا جازالاۋدىڭ ءتاسلىن جاساپتى» دەسىپ جاتتى سوتقا قاتىسقاندار.