مادريد قالاسىنداعى  Sagardi مەيرامحاناسىنىڭ قىزمەتكەرلەرى ورىس ۇلتىنداعى قىزداردىڭ ساۋىق-كەشىن ۇيىمداستىرۋىنا رۇقسات ەتپەگەن. ونىڭ باستى سەبەبى، قىزداردىڭ ورىس ۇلتىنان بولعاندىعى ەمەس، مۇنداي كەزدەسۋلەر اتالمىش مەكەمە فورماتى ءۇشىن ورىنسىز دەپ تانىلدى، دەپ حابارلايدى Facebook Grupo SAGARDI.

ونىڭ باستى سەبەبىن Sagardi مەيرامحانىنىڭ اكىمشىلىگى فەيسبۋك پاراقشاسىنداعى توبىندا جاۋاپ بەردى.

« Sagardi مەيرامحاناسى ءبىر دە ءبىر كەلۋشىسىن ۇلتىنا، ناسىلىنە، دىنىنە قاراپ كەمسىتپەگەن. تەك 22 جىل بويى ۇلتتىق دارەجەدەگى ءسالت-داستۇر مەن مادەنيەتتى ۇستاناتىن باسكستىك ازاماتتاردان تۇراتىن توپ. سونداي-اق، تاعامدارى دا ۇلتتىق ونىمدەردەن تۇرادى. مەيرامحانانىڭ سەرىكتەستەرى، دوستارى مەن كەلۋشىلەرىنىڭ سانى كوپ. ونىڭ ىشىندە مادريد، بارسەلونا، لوندون، مەحيكو، پورتۋ، بۋەنوس-ايرەس سىندى قالالاردا ورنالاسقان مەيرامحانالاردا ورىس ۇلتتى دوستارى دا بار» دەلىنگەن SAGARDI توبىنىڭ فەيسبۋكتەگى پاراقشاسىندا.

سونداي-اق، ورىس قىزدارىمەن ارادا تۋىنداعان جانجالدىڭ باستى سەبەبى، ولاردىڭ ۇيىمداستىرماق بولعان ساۋىق كەشى مەيرامحانانىڭ فورماتىنا سايكەس كەلمەيدى. بار سەبەبى – تەك سول عانا ەكەن.

ايتا كەتەيىك،  Sagardi مەيرامحاناسىنىڭ قىزمەتكەرلەرى ورىس قىزدارىنا ساۋىق كەشىن ۇيىمداستىرۋعا رۇقسات ەتپەگەن. ناتيجەسىندە ۇيىمداستىرۋشىلار «مادريد تۇرعىندارى رەسەيدەن كەلگەن ازاماتتاردى جاقتىرمايدى دەپ» پوليسەي قىزمەتكەرلەرىنە ارىز جازادى. بۇل جاعدايدان كەيىن باسكستىك  مەيرامحانانىڭ يەسى قىزداردان كەشىرىم سۇرايدى. الايدا، ساۋىق-كەشىن ۇيىمداستىرۋشىلار ءبارىبىر باسقا عيماراتتا وتكىزەدى.