ۇلىبريتانيادا 70 جىل بىرگە ءومىر سۇرگەن ەرلى-زايىپتى زەينەتكەرلەر ءبىر مەزەتتە قايتىس بولدى، دەپ حابارلايدى The Telegraph باسىلىمى.

باسىلىمنىڭ مالىمەتىنشە، الدىمەن 93 جاستاعى ۋيلف ەسىمدى ەر ازامات كوز جۇمسا، اراعا 4 مينۋت سالىپ ونىڭ 91 جاستاعى ايەلى دۇنيەدەن وتكەن. دەگەنمەن، ەكەۋى ەكى جاقتا بولعان.

زەينەتكەرلەردىڭ تۋىستارى ايتقانداي، قاريا اجەيدىڭ اۋرۋى سوڭعى ءبىر جىلدا اسقىنىپ كەتكەن. ءتىپتى، كۇيەۋى ونى تانىماي كەتەتىندەي دارەجەگە جەتكەن.

29 ناۋرىز كۇنى جەرگىلىكتى ۋاقىتپەن تاڭعى ساعات 06:50-دە ۋيلف راسسەل قايتىس بولعان. اراعا تۋرا 4 مينۋت سالىپ 5 شاقىرىم قاشىقتىقتاعى اۋرۋحانادا جاتقان ۆەرا لەستەر دە كوز جۇمدى. ول ءوزىنىڭ كۇيەۋىنىڭ قايتىس بولعانىن ەستىپ ۇلگەرمەپتى.

«مەن اجەمنىڭ ءحالىن سۇراپ اۋرۋحاناعا بارعانىمدا، ونىڭ كوزىن اشا سالىپ سۇراعانى اتام بولدى. كوز جۇمار الدىنداعى ەڭ سوڭعى سوزدەرى: «ءبىزدىڭ ماحاببات حيكايامىز كەرەمەت بولدى ەمەس پە، ءيا؟»، دەپ ەسىنە ءتۇسىردى ەرلى-زايىپتىلاردىڭ نەمەرەسى.

ۋيلف راسسەل ەكىنشى دۇنيەجۇزىلىك سوعىستىڭ ارداگەرى. ول وسىدان بىرنەشە جىلدار بۇرىن اقىل كەمىستىگىنە بايلانىستى لەستەرشير گرافتىعىنداعى قارتتار ۇيىندە تۇرىپ كەلگەن. ال، ونىڭ ايەلى ۆەرا راسسەل بيىل قاڭتاردان بەرى اۋرۋحانادا توسەك تارتىپ جاتىپتى.

ەرلى-زايىپتىلار وسىدان 75 جىل بۇرىن تانىسىپ، ۋيلف يتالياعا قىزمەتكە كەتپەس بۇرىن ەكەۋى نەكەلەرىن قيعان.  ودان سوڭ ۋيلف ەكىنشىدۇنيەجۇزىلىك سوعىس كەزىندە سولتۇستىك امەريكاعا اتتانادى. ولاردىڭ ءۇش ۇلى، 5 نەمەرەسى، 7 شوبەرەسى، سونداي-اق 2 شوپشەگى بولعان.