يتالياندىق بياتلونشى دانيەل تاشلەردى 9 ايعا شارتتى تۇردە باس بوستاندىعىنان ايىردى دەپ حابارلايدى "قامشى" اقپاراتتىق اگەنتتىگى Stol.it-كە سىلتەمە جاساپ.
يتاليانىڭ سوتى ءدال وسىنداي شەشىم شىعاردى. ونىمەن قوسا 29 جاستاعى بياتلونشى 3600 ەۋرو كولەمىندە ايىپپۇل تولەدى. ونىڭ اكەسى دە گوتبيب تاشلەر تىيىم سالىنعان پرەپاراتتى قولدانۋعا ۇلەس قوسقانى ءۇشىن جازاعا تارتىلدى. ول حالىقارالىق بيوتلونيستەر وداعىنىڭ بۇرىنعى ۆيسە-پرەزيدەنتى. گوتبيب تاشلەر شارتتى تۇردە ءبىر جىلعا باس بوستاندىعىنان ايىرىلدى جانە 4000 ەۋرو ايىپپۇل تولەدى. ول ەندى قىسقى سپورت تۇرلەرىنەن ەشقانداي يتالياندىق اسسوسياسيادا جانە ۇلتتىق وليمپيادا كوميتەتىندە قىزمەت اتقارا المايدى.
دارىگەر ميكەلە فەرراري تۇرمەدە 1،5 جىل جازاسىن وتەيتىن بولادى.
