اۆسترالياداعى ۆيكتوريا شتاتىندا ەر ادام ورمەكشى شاققان سوڭ اياعىنان ايىرىلىپ قيىن جاعدايعا تاپ بولدى. بۇل تۋرالى «قامشى» پورتالى lenta.ru-عا سىلتەمە جاساپ حابارلايدى. زارداپ شەككەن ادام وڭ اياعىنان ايىرىلعان. ەندى سول اياعى مەن ەكى قولىنان ايىرىلۋ ءقاۋپى ءتونىپ تۇر.
65 جاسار تەرري پارەحا فيليپپيننەن كەلىپ ءوز قارىنداسىنىڭ ۇيىندە قوناقتاۋعا كەلگەن. مالىمەتتەرگە قاراعاندا ورمەكشى ەر ادامدى باقشادا جۇرگەن كەزدە شاعىپ العان. دارىگەرلەرگە تەك ارادا ءۇش كۇن وتكەن سوڭ عانا قارالۋعا مۇمكىندىگى تۋعان زارداپ شەگۋشى ەر ادام سول ۋاقىتتا ەكى بۇيرەگى جۇمىس ىستەمەي قالىپ، ورگانيزمى زاقىمدانىپ ۇلگەرگەن. باكتەريانىڭ ورگانيزمگە تارالۋ جىلدامدىعى مەن ءقاۋپىن ەسكەرگەن دارىگەرلەر ونىڭ اياعىن كەسىپ تاستاۋدى ءجون كورگەن.
بۇل وقيعا اقپان ايىندا ورىن العان. الايدا بۇل تۋرالى ەندى بەلگىلى بولىپ وتىر. قازىرگى ۋاقىتتا زارداپ شەككەن ەر ادامنىڭ قىزى ونىڭ ەمىنە قاجەتتى 100 مىڭ اقش دوللارىن جيناۋدى قولعا الىپ جاتىر.
سول جەردەگى ۇيىمداردىڭ بىرىندە سوڭعى ۋاقىتتارى جاندىكتەردىڭ قۇربانىنا اينالىپ جاتقان ادامادار سانى ءوسىپ كەلەتىنىن جەتكىزدى. الايدا زارداپ شەگۋشى ادامداردىڭ كوبى ناقتى قانداي جاندىكتەردىڭ وزدەرىن شاققانىنان بەيحابار.
