ەستەرىڭىزگە سالا كەتەيىك، ق ر پارلامەنتى دەپۋتاتتارىنىڭ جالاقىسى 2017 جىلدىڭ 1 ناۋرىزىنان باستاپ وسكەن بولاتىن. ازىرگە دەپۋتاتتاردىڭ جالاقىسى قانشا پايىزعا وسكەنى ناقتى بەلگىلى ەمەس، كەيبىر دەرەكتەردە 30 پايىز، وزگەلەرىندە 50 پايىز دەپ كورسەتىلگەن. «قامشىنىڭ» حات قورجىنىنا حالىق قالاۋلارىنىڭ الاتىن ءناپاقاسى تۋرالى ايمۇحانبەت بەيسەمبەكوۆتىڭ «900 000 جانە 24 000 جالاقى نەمەسە 12000 تۋرالى ودا!» دەگەن ولەڭى كەلىپ ءتۇستى. وزەكتى ماسەلەنى قاۋزاعان جىر جولدارىن وقىرمان نازارىنا ۇسىنامىز.
سەناتتاعى «سەمىرگەن» حالىقتىڭ «ەركە قۇلدارى-اي!»
جارتى ميلليون جەتپەي جۇرگەن پۇلدار-اي!
جيىرما ءتورت مىڭ تومەنگى بەلگىلەگەن جالاقى،
قاي جەرىمەن ويلاعان ءمينفيننىڭ «مىرزا» قۋلار- اي!
اقسارايدا وتىرىپ قامدارىڭدى ويلاماي،
ايتساڭدارشى وسىنى، ايلىق سۇراپ سايراماي!
«سەنگەن قويى» سەندەر مە؟ حالىقتىڭ مىنگەن موينىنا،
مىنالارىڭ شىن بولسا، «توگىلدى ابىروي ايرانداي!»
قىمباتشىلىق حالىقتى بۋىندىرىپ بارادى.
ون ەكى مىڭعا سىيىپتى، «كۇنكورىس» پەن تاماعى!
ءحالىن بىلمەس حالىقتىڭ ۇكىمەتى ۇسىنعان،
وسى زاڭدى قولداعان پارلامەنت قايتىپ وڭادى!
دەپۋتاتتار الاتىن توعىز ءجۇز مىڭ جاساسىن!
ون ەكى مىڭعا «كۇنكورىس» - حالىق بەردى «باتاسىن!»
جيىرما ءتورت مىڭعا سەندەردى وتارعىزسا ءبىر جىلعا،
اتتان! - سالىپ «كوك ۇيدەن» ءبارىڭ تۇگەل قاشارسىڭ!
قارا حالىق كۇن ساناپ كەدەيلەنىپ بارادى.
شەتتەن العان قارىزدى ميللياردتاپ سانادى!
قۇل بولساڭدار حالىققا، «قوجاڭدى» تويدىر الدىمەن،
وزدەرىڭدى ويلاماي، بولساڭدار ەگەر سانالى؟!...
ايمۇحانبەت بەيسەمبەكوۆ
