تۇرىكمەنستان پرەزيدەنتى گۋربانگۋلى بەردىمۋحامەدوۆتىڭ ءانى قىركۇيەكتە اشحابادتا وتەتىن ازيا ويىندارىنىڭ ءانۇرانىنا اينالدى دەپ حابارلايدى «قامشى» اقپاراتتىق اگەنتتىگى «ازاتتىق» راديوسىنا سىلتەمە جاساي وتىرىپ.

ازيا ويىندارىنىڭ ءانۇرانى ءساۋىردىڭ 8 كۇنى ارنايى جينالىس بارىسىندا تاڭدالىندى. اۆازا كۋرورتتىق ايماعىندا وتكەن كونسەرت كەزىندە بەردىمۋحامەدوۆتىڭ «العا، العا، تەك العا، تۋعان ولكەم تۇرىكمەنستان» دەپ شىرقاعان ءانى سول كەزدە سپورتتىق ءىس-شارانىڭ ءانۇرانى رەتىندە ۇسىنىلعان بولاتىن. كونسەرتكە قاتىسقان تىڭدارمان قاۋىمنىڭ بارلىعى ۇسىنىستى ءبىر اۋىز قولداعان ەكەن.

جەرگىلىكتى ۇلتتىق ب ا ق بەردىمۋحامەدوۆتىڭ ءانىن ناعىز پاتريوتتىق ءان دەپ باعالادى. «ءاننىڭ ءسوزى مەن اۋەنى تاۋەلسىز تۇرىكمەنستان ازاماتتارى سەزىنەتىن ماقتانىش پەن باقىت سەزىمدەرىن جاقسى جەتكىزەدى» دەلىنگەن باق-تا.

وسىعان دەيىن بەردىمۋحامەدوۆ اشحابادتا قىركۇيەكتىڭ 17ء-ى مەن 24ء-ى ارالىعىندا وتەتىن ازيا ويىندارىنىڭ ءانۇرانىنا ءان تاڭداۋ ءۇشىن شىعارماشىلىق بايقاۋ جاريالاۋعا بۇيرىق بەرىلگەنىن باق-تا حابارلانعان بولاتىن. الايدا بايقاۋ جاريالاندى ما، ب ا ق سىناۋشىسى بولدى ما دەگەن اقپارات بەيمالىم.

بيلىكتە جۇرگەنىنە 9 جىل بولعان گۋربانگۋلى بەردىمۋحامەدوۆ ونەرىن العاش رەت 2010 جىلى تۋركمەنباشي قالاسىندا پاش ەتكەن بولاتىن. بالالارىمەن اككوردەون اسپابىندا ويناعان ول جۇرتتىڭ ەسىندە قاتتى قالدى. سودان بەرى تۇرىكمەن پرەزيدەنتى ساحنادان تۇسكەن ەمەس.

اۋدارعان: جازيرا بايدالى