2017 جىلعى 11 ساۋىردە قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ب.يماشيەۆتىڭ ەقىۇ باعدارلاماسىنىڭ استانا قالاسىنداعى ءوفيسىنىڭ باسشىسى دەرد سابومەن كەزدەسۋى بولدى دەپ حابارلايدى "قامشى" اقپاراتتىق اگەنتتىگى.
2017 جىلعى 11 ساۋىردە ق ر وسك ءتوراعاسى بەرىك يماشيەۆتىڭ ەقىۇ باعدارلاماسىنىڭ استانا قالاسىنداعى ءوفيسىنىڭ باسشىسى دەرد سابومەن سوڭعىنىڭ ءوتىنىشى بويىنشا كەزدەسۋى بولدى.
ورتالىق سايلاۋ كومميسسياسىنىڭ ءتوراعاسى كەزدەسۋگە قاتىسۋشىلاردى ورتالىق سايلاۋ كوميسسياسىندا جانە ەلدىڭ سايلاۋ ورگاندارىندا ءوتىپ جاتقان جۇمىستارمەن تانىستىردى. بۇل جۇمىستىڭ نەگىزگى باعىتتارى – سايلاۋ زاڭناماسىن ودان ءارى جەتىلدىرۋ جانە وسى جىلى وتەتىن قازاقستان رەسپۋبليكاسى پارلامەنتى سەناتى دەپۋتاتتارىنىڭ الداعى كەزەكتى سايلاۋىنا دايىندىق.
ەقىۇ باعدارلاماسىنىڭ استانا قالاسىنداعى ءوفيسىنىڭ باسشىسى ءوز كەزەگىندە كەزدەسۋدى ۇيىمداستىرعانى ءۇشىن العىسىن ءبىلدىرىپ، ودان ءارى جەمىستى ىنتىماقتاستىققا سەنىم ءبىلدىردى.
كەزدەسۋدە سونداي-اق ق ر وسك مۇشەلەرىنىڭ 2017 جىلعى مامىردا ۆارشاۆاداعى ەقىۇ/دياقب شتاب-پاتەرىنە ەقىۇ/دياقب ۇسىنىمدارىن ورىنداۋ مارتەبەسىنە قاتىستى بارۋىن ۇيىمداستىرۋ، 2017 جىلعى قازاندا حالىقارالىق كونفەرەنسيانى ۇيىمداستىرۋ، سونداي-اق 2017 جىلعى قاراشادا حالىقارالىق بايقاۋشىلارعا ارنالعان جىل سايىنعى سەمينار-ترەنينگتى ۇيىمداستىرۋعا بايلانىستى ماسەلەلەر تالقىلاندى. سونىمەن قاتار كەزدەسۋ بارىسىندا ورتالىق سايلاۋ كوميسسياسى مەن ەقىۇ-نىڭ سايلاۋ زاڭناماسىن دامىتۋ جانە جەتىلدىرۋ، قازاقستان رەسپۋبليكاسىندا سايلاۋ پروسەسىن دەموكراتيالاندىرۋ سالاسىنداعى ودان ءارى ىنتىماقتاستىعىنىڭ باعىتتارى تالقىلاندى. كەزدەسۋ سوڭىندا تاراپتار ءداستۇرلى سەرىكتەستىك پەن ىنتىماقتاستىق قارىم-قاتىناستار كەلەشەكتە دە ءوزىنىڭ جالعاسىن تاباتىنىنا سەنىم ءبىلدىردى.
