تاجىكستاننىڭ ىشكى ىستەر ءمينيسترى رامازون راحيمزودا قۇقىق قورعاۋ ورگاندارىنىڭ ءاربىر قىزمەتكەرىنە ايىنا ءبىر رەت تەاترعا بارۋدى تاپسىردى، دەپ حابارلايدى «قامشى» اقپاراتتىق اگەنتتىگى ورتالىق ازيا جاڭالىقتار قىزمەتىنە سىلتەمە جاساپ.
مۇنداي تاپسىرما ىشكى ىستەر ءمينيسترىنىڭ باستاماسىمەن جانە قۇقىق قورعاۋ مەكەمەسىنىڭ ورتالىق اپپارات باسقارماسىنىڭ تولىق قۇرامى وتكەن اپتادا ءابىلقاسىم لاحۋتي اتىنداعى مەملەكەتتىك دراما تەاترىنا بارىپ، «چارحي گاردون» تاريحي كورىنىسىن كورىپ قايتقاننان كەيىن بەرىلگەن.
ءىىم باسپا ءسوز حاتشىسى ۋماردجون ۋمارالي تەاترعا بارۋ قىزمەتكەرلەردىڭ رۋحاني-ادامگەرشىلىك دەڭگەيىن كوتەرەدى ءارى اۋىر ەڭبەك كۇنىنەن كەيىن، شارشاعانىڭدى باسادى دەيدى.
ءىىم باسپا ءسوز حاتشىسىنىڭ ايتۋىنشا، ىشكى ىستەر ءمينيسترى تاريحي كورىنىستى تاماشالاعاننان كەيىن، ونىڭ دراماتۋرگى نۋر تاباروۆقا العىسىن ءبىلدىرىپ، قويىلىم ىشكى ىستەر ورگاندارى قىزمەتكەرلەرىنىڭ جۇمىسىنا ۇقسايدى دەپ، اي سايىن تەاترعا بارىپ تۇراتىنىن ايتقان.
