سەرتيفيكاتتاتتالعان ەلەكتروتەحنيكالىق ءونىمدى وندىرەتىن وتاندىق استانا ەلەكتروتەحنيكالىق زاۋىتى (اەتز) Office 365 Business جۇيەسىن ءوز جۇمىسىنا ەندىردى. ءقازىردىڭ وزىندە كومپانيانىڭ 60%-دان استام قىزمەتكەرى بۇلتتىق جۇيەدە جۇمىس جاساۋدا دەپ حابارلايدى "قامشى" اقپاراتتىق اگەنتتىگى.

«Microsoft ونىمدەرىمەن بۇرىننان تانىسپىز جانە دە ونى قولدانۋ بارلىعى ءۇشىن دەرلىك ايتارلىقتاي جەڭىل، سوندىقتان ءبىزدىڭ قىزمەتكەرلەرىمىزگە Office 365 Business جۇيەسىنە ءوتۋ قيىندىق تۋدىرعان جوق، ال جاستار بۇلتتا جۇمىس جاساۋدى ساناۋلى كۇندەر ىشىندە يگەرىپ كەتتى. قىزمەتكەرلەر براۋزەر ارقىلى كىرىپ، كەستەلەردى بىرگە رەداكسيالايدى، بۇل وتە ىڭعايلى، ياعني ءاربىر قىزمەتكەردىڭ قانداي جۇمىستى اتقارىپ جاتقانىن بىردەن بىلۋگە بولادى»، - دەپ اتاپ ءوتتى زاۋىت باس ديرەكتورى اسقار سىزدىقوۆ.

Microsoft كومپانياسىنىڭ بۇلتتىق ونىمىنە ءوتۋ ناتيجەسىندە وتاندىق ءوندىرۋشى نەگىزگى باعدارلامالار مەن قۇجاتتارعا تۇراقتى ءارى ءقاۋىپسىز تۇردە قول جەتكىزۋدە، سونداي-اق، IT-ينفراقۇرىلىمنىڭ ىسكە شىعۋىنا بايلانىستى ورىن الاتىن كۇتپەگەن جاعدايلاردىڭ سانى دا بارىنشا ازايىپ وتىر. اەتز-نا ارناپ باپتالعان شەشىم قۇپيا اقپاراتتىڭ بايقاۋسىزدا جىبەرىلۋ،  ۇرلانۋ ءقاۋپىن تومەندەتىپ وتىر. ماسەلەنىڭ قارجىلىق جاعى دا تاڭداۋدىڭ وسى جاڭا شەشىمگە تۇسۋىنە اسەر ەتكەن. «ءاربىر قىزمەتكەرگە شاققاندا، Microsoft ۇسىنعان Office 365 Business جۇيەسى كۇنىنە شامامەن 125 تەڭگەگە تۇسەدى، كاسىپورىننىڭ الاڭسىز جۇمىس جاساۋى ءۇشىن بۇل سونشالىقتى ۇلكەن اقشا ەمەس»، - دەپ پىكىرىمەن ءبولىستى اەتز وكىلى الىشەر مۇحامەتجانوۆ.

Office 365 جۇيەسىن ەندىرۋگە دەيىن باسقا بولىمدەردەگى قىزمەتكەرلەردىڭ قۇجاتقا ەنگىزەتىن تۇزەتپەلەرىن دەر كەزىندە قاداعالاپ وتىرۋ مۇمكىن بولمايتىن، سوندىقتان بۇل جۇمىس بارىسىن ۇيىمداستىرۋعا تەرىس اسەر ەتىپ كەلدى.

اەتز شتاتىندا شامامەن 45 ينجەنەرلىك-تەحنيكالىق قىزمەتكەر جۇمىس جاسايدى، الايدا ولاردىڭ بارلىعىنا بۇلتتا جۇمىس جاساۋ قاجەت ەمەس. سوندىقتان باستاپقىدا 35 ليسەنزيا ساتىپ الىندى، تاياۋ ۋاقىتتا تاعى 10 ليسەنزيانى ساتىپ الۋ جوسپارلانىپ وتىر.

كليەنتتەردىڭ قوسقان وي-پىكىرلەرى مەن تىلەكتەرىن ەسكەرە وتىرىپ شىعارىلاتىن سوڭعى جاڭارتۋلارعا ليسەنزيا اياسىندا قول جەتكىزۋگە بولاتىندىعىن زاۋىت وكىلدەرى Office 365 Business جۇيەسىنىڭ باستى ارتىقشىلىقتارى رەتىندە اتاپ وتىر.

Microsoft ءونىمىن اەتز جۇمىسىنا ەندىرۋمەن Life 2 Win كومپانياسى اينالىستى. كومپانيا ديرەكتورى يگور حۋدومياسوۆ اتاپ وتكەندەي، بۇعان دەيىن تاپسىرىس بەرۋشى DropBox بۇلتتىق قويماسىن قولدانىپ كەلگەن، الايدا ورىس تىلىندە قولداۋدىڭ بولماۋى قيىندىقتاردى تۋدىرعان. ونىڭ ۇستىنە كەڭسەلىك قوسىمشالارمەن ىقپالداسۋى دا ويداعىداي بولماي شىققان. سونداي-اق، يگور حۋدومياسوۆتىڭ ايتۋىنشا، جاڭا شەشىمگە كوشۋ قولدانۋشىلارعا قيىندىق تۋدىرمادى. كليەنتتىڭ ينتەرفەيسكە قاتىستى جانە دە فۋنكسيونالعا بايلانىستى ايتقان بۇكىل تىلەكتەرى ەسكەرىلدى، ال شەشىم ەندىرىلگەن سوڭ، تەحنيكالىق ماماندار جالپى وسى جۇيەنى قولدانۋ جونىندە وقۋدان وتكەن. سوندىقتان جاڭا شەشىمگە ءوتۋ جۇمىس بارىسىنا ەشقانداي ىقپالىن تيگىزگەن جوق.

«Microsoft Office 365 Business جۇيەسىن ەندىرۋ ارقاسىندا ءبىزدىڭ كومپانيانىڭ قاۋىپسىزدىگى قامتاماسىز ەتىلىپ، ەندى كەز كەلگەن قۇرىلعى ارقىلى قۇجاتتارعا كىرىپ، بۇلتتا بىرلەسە وتىرىپ ىڭعايلى تۇردە جۇمىس جاساۋعا مۇمكىندىك الىپ وتىرمىز. بۇل شەشىم ساپا مەن باعا جاعىنان ءبىزدىڭ كوڭىلىمىزدەن شىقتى، سونداي-اق، ءبىز ۆەندوردان كەڭىنەن تەحنيكالىق قولداۋ الىپ وتىرمىز»، - دەپ ءسوزىن قورىتىندىلادى اەتز باس ديرەكتورى اسقار سىزدىقوۆ.

قازىرگى تاڭدا Microsoft ونىمدەرى مەن بۇلتتىق تەحنولوگيالارىنا دەگەن سۇرانىس قازاقستاندىق وندىرۋشىلەر اراسىندا ارتىپ كەلەدى.