پولشانىڭ ششەسينە قالاسىندا ءۇش ءجاسوسپىرىم بالا نەمىس زيراتىنداعى 130 جۋىق ءقابىردى بۇلدىرگەن دەپ حابارلايدى «قامشى» اقپاراتتىق اگەنتتىگى TVN24-كە سىلتەمە جاساي وتىرىپ.
12 جاسار قىز بالامەن 11 جاسار ەكى ۇل بالا ەكى اي بويى زيراتتى بۇلدىرە باستاعان. قۇقىق قورعاۋ ورگاندارى جەرگىلىكتى تۇرعىنداردىڭ كومەگىمەن بۇزاقىلاردى انىقتاي الدى. پولشا پوليسياسىنىڭ ءتۇسىندىرۋى بويىنشا بالالار وزدەرىنىڭ نەگە بۇلاي جاساعاندارىن تۇسىندىرە الماعان.
ەلدەگى زاڭعا بايلانىستى 13 جاسقا دەيىنگى بالالار قۇقىقتىق جاۋاپكەرشىلىككە تارتىلمايدى. دەگەنمەن ولاردىڭ اتا-انالارى زيراتقا كەلتىرىلگەن شىعىنداردى تولىق وتەۋگە مىندەتتەلدى. شىعىن قۇنى ناقتى بەلگىلەنبەگەن. پوليسيانىڭ ناقتىلانباعان ەسەبى بويىنشا شىعىن كەم دەگەندە بەس مىڭ دوللاردى قۇرايدى.
