وبلىس اكىمى قۇمار اقساقالوۆ جۇمىس ساپارىمەن مامليۋت  اۋدانىندا بولدى. ءوڭىر باسشىسى ەڭ ءبىرىنشى   قۇرىلىس ماتەريالدارىن، تەرەزە بلوكتارىن، جيھازدار شۆعاراتىن، سول سياقتى  كولىك تاسىمالىمەن اينالىساتىن  كاسىپورىنعا  ات باسىن تىرەدى. 

     «ەگەر قۇرال-جابدىق  زاماناۋي، سوڭعى  بولسا،  ونى  جۇمىسباستى قىلۋ كەرەك. جاقسى ديزاينەرلەردى، جاڭا تەحنولوگيالاردى  قاتىستىرۋ ارقىلى  ونى قالاي ىستەۋگە بولاتىنىن  بىرگە ويلاستىرايىق. قازاقستاندا  تۇتاستاي العاندا  جيھازدار فابريكاسى  كوپ ەمەس ەكەنىن ءبىز بىلەمىز. ولار - جاڭا زاماناۋي جيھازدار شىعاراتىن  الماتىلىق، ورالدىق كاسىپورىندار. سوندىقتان وسى سەكتورعا  كەتۋ  كەرەك. لوگيستيكالىق ورتالىققا كەلەتىن بولساق،  بيىل قورعانعا باراتىن جول  جوندەلە باستايدى. ەكى جىلدىڭ ىشىندە ونى تولىعىمەن جوندەيمىز»،- دەدى  قۇمار اقساقالوۆ.

       ودان كەيىن  ءوڭىر باسشىسى  ۇن ءونىمىن وندىرەتىن  جانە وتكىزۋمەن اينالىساتىن «مامليۋت  ۇن ۇگۋ كومبيناتى»  جشس-دا بولدى. سەرىكتەستىكتىڭ باس ديرەكتورى اناتوليي شرامكو ۇيىم تۋرالى تولىعىراق ايتىپ بەردى.

       «قۇرال-جابدىقتارىمىز ەليەۆاتورعا تۇسكەن كەز-كەلگەن استىقتى  تازالاۋعا مۇمكىندىك بەرەدى. ساپالى ءونىم شىعارۋ ءۇشىن، بىرىنشىدەن  قۇرال-جابدىق،  ەكىنشىدەن شيكىزات  پەن  جوعارى بىلىكتى كادرلار كەرەك.  سولاردىڭ ءبارى بىزدە بار.  سوندىقتان ەڭ جوعارى ساپالى ءونىم شىعارۋعا دايىنبىز»،- دەدى  اناتوليي شرامكو.

      اڭگىمە بارىسىندا وبلىس اكىمى  قۇمار اقساقالوۆ ءبىزدىڭ ءوڭىر ءۇشىن ەكسپورت وتە ماڭىزدى ەكەندىگىن ءسوز ەتتى.. وسى جاعدايدا  وبلىس  ءونىمدى از كولەمدە  وڭدەيتىندىگىن  جانە از ەكسپورتتايتىندىعىن  قۇمار ىرگەباي ۇلى اتاپ ايتتى.

      مامليۋت اۋدانىنىڭ الەۋمەتتىك-ەكونوميكالىق دامۋى جايىندا اكىم ەربولات بەكشەنوۆ باياندادى.

      «وتكەن جىلى  «بيزنەستىڭ جول كارتاسى-2020» باعدارلاماسى بويىنشا  8 جوبا بولدى. وعان 267 ملن. تەڭگەنىڭ قولداۋى كورسەتىلدى.  ءبىرىنشى توقساندا 3 ءوتىنىم  بەرىلدى.  بۇل جۇمىس ءارى قاراي جالعاسۋدا. 2015 جىلى   ەڭبەكاقى 68000 تەڭگە بولسا،  2016 جىلى 80500 تەڭگەنى قۇرادى.  ءوسىم 104،8 پايىز. اۋىل شارۋاشىلىعى بويىنشا  تۇتاستاي العاندا  79700 تەڭگەدەن 83500 تەڭگەگە ءوستى.  كوكتەمگى-دالا جۇمىستارى بويىنشا   جالپى القاپ 196 مىڭ گەكتار،  پار – 21 مىڭ گەكتار، ەگىستىك القاپ – 175 مىڭ گەكتار. ءداندى داقىلداردى 117 مىڭنان، 105 مىڭ گەكتارعا ازايتتىق،  مايلى داقىلداردى 14 مىڭنان 21 مىڭ گەكتارعا كوبەيتتىك»، دەدى ەربولات بەكشەنوۆ.

      وسى جەردە قۇمار اقساقالوۆ اگروقۇرىلىم باسشىلارىمەن كەزدەسىپ، اۋىل شارۋاشىلىعى تاۋارلارىن وندىرۋشىلەردىڭ وزەكتى ماسەلەسى بولىپ تابىلاتىن تەحنيكالارمەن قامتاماسىز ەتىلۋ،  ورگانيكالىق استىق ءوسىرۋ  جانە  تەحنولوگيالاردى ساقتاۋ  جاعدايلارىن تالقىلادى.

      «اۋىل شارۋاشىلىعى ونىمدەرىن  ءوندىرۋ كولەمى بويىنشا  مامليۋت اۋدانى  بۇگىنگى كۇنى   كوش سوڭىندا كەلەدى.  تارتىلعان ينۆەستيسيا  دا  اۋداندا از.   يندۋستريالىق-يننوۆاسيالىق  دامۋ باعدارلاماسى اياسىندا  ءبىر جوبا دا  ىسكە اسقان جوق. نەگە؟  وعان بارلىق اۋداندار قاتىسۋعا ءتيىس.  تاۋارلى ءسۇت فەرمالارىن،  اۋىل شارۋاشىلىعى كووپەراتيۆتەرىن قۇرۋ تۋرالى ايتۋدامىز.  بۇل - جۇمىسسىز  جۇرگەن ادامداردىڭ جۇمىس تابۋىنا، سالىق تولەۋىنە  جاعداي جاسايتىن تەتىكتەر  ونى سىزدەرمەن بىرگە عانا شەشۋگە بولادى. وعان مەملەكەت جالعىز قاتىسا المايدى.   سوندىقتان  سىزدەردەن الەۋمەتكە باعدارلانعان بيزنەس جۇرگىزۋدى سۇرايمىز»،-  دەدى ءوڭىر باسشىسى.

  مال شارۋاشىلىعى سالاسىن دامىتۋ جايىن ءسوز ەتە كەلىپ،  وعان تولىق كولەمدە  بارلىق مۇمكىندىك بار ەكەنىن  اتاپ ايتتى.  ونىڭ ىشىندە  مەملەكەتتىك قولداۋدىڭ ءتيىمدى تەتىكتەرى دە بار.  ءوز كەزەگىندە،   جاڭا شارۋاشىلىقتاردىڭ اشىلۋى  وڭىردەگى ءوزىن-وزى قامتاماسىز ەتەتىندەر مەن  جۇمىسسىز تۇرعىندار سانىن  ەداۋىر مولشەردە ازايتۋعا جاعداي جاسايدى.  باسقاشا ايتقاندا -  سولتۇستىكقازاقستاندىقتاردىڭ حال-احۋالىن جاقسارتادى. 

 وبلىس اكىمى   بيىل ءبىرىنشى رەت  ەليتالىق تۇقىم الۋ  دەمەۋ قارجىلاندىرىلاتىندىعىن  دا  اتاپ ءوتتى.

     «ءبىزدىڭ  جوعارى ساپالى استىق الۋىمىز ءۇشىن بارلىق جاعدايلار جزاسالۋدا»،- دەدى  قۇمار اقساقالوۆ.

   كەزدەسۋ سوڭىندا  ءوڭىر باسشىسى   اۋىل شارۋاشىلىعى تاۋارلارىن وندىرۋشىلەردى  قاپتالدا قالىپ قويماي،  سۋ تاسقىنى كەزىندە   تۇرعىندارعا  كومەك كورسەتۋگە  شاقىردى.  .