Eurasian Resources Group S.a.r.l. (ERG) مەن پاۆلودار وبلىسىنىڭ اكىمدىگى 2017-2018 جىلدارى الەۋمەتتىك ماڭىزدى جوبالاردى جۇزەگە اسىرۋداعى ءوزارا ارىپتەستىك تۋرالى مەموراندۋم جاساستى. مەموراندۋمعا «ەارۋزيالىق توپ» ج ش س باسقارما ءتوراعاسى الديار قازتايەۆ پەن پاۆلودار وبلىسىنىڭ اكىمى بولات باقاۋوۆ قول قويدى دەپ حابارلايدى "قامشى" اقپاراتتىق اگەنتتىگى.
قوستاناي وبلىسى سىندى پاۆلودار وڭىرىنە دە بيىل ERG مەموراندۋم اياسىندا سوڭعى بەس جىلداعى رەكوردتىق كولەمدەگى 3،7 ملرد. تەڭگە قاراجات باعىتتاعالى وتىر. قارجى بۇگىندە تۇرعىنداردىڭ سۇيىكتى ورنىنا اينالعان اقسۋدىڭ ورتالىق جاعالاۋىن قالپىنا كەلتىرۋگە، قالانىڭ وزگە دە ساياباقتارىنا «street work-out» نىساندارى مەن ويىن الاڭدارىن ساتىپ الىپ، ورناتۋعا جۇمسالماق. سونداي-اق، ەكىباستۇز قالاسىنداعى «شاحتەر» دەمالىس جانە مادەنيەت ساياباعىن اباتتاندىرۋ مەن جاڭعىرتۋ جانە تاعى باسقا دا ماڭىزدى جوبالار قارجىلاندىرىلادى.
ERG ايماقتاعى سالاماتتى ءومىر سالتى مەن سپورتتى دامىتۋدى ءوزىنىڭ باسىم باعىتتارىنىڭ ءبىرى دەپ بىلەدى. سوندىقتان مەموراندۋم اياسىندا پاۆلوداردا ءجۇزۋ باسسەينىن سالۋعا، ەكى كۇرەس زالىن قايتا قالپىنا كەلتىرۋگە، اقسۋ قالاسىندا «street work-out»-پەن شۇعىلدانۋعا نيەتتىلەرگە ارنالعان جابدىقتار مەن ويىن الاڭدارى ساتىپ الىنىپ، ورناتىلادى. كوپ جىلدىق ءداستۇر بويىنشا ەۋرازيالىق توپ پاۆلودار وبلىسىنداعى فۋتبول مەن ۆولەيبولدىڭ دامۋىنا قولداۋ كورسەتەدى.
الداعى 2017-2018 جىلدارعا قول قويىلعان مەموراندۋم تەك ERG جوبالارىمەن شەكتەلمەي، قازاقستان رەسپۋبليكاسىنىڭ زاڭنامالارىنا سايكەس جەرگىلىكتى بيۋدجەت ەسەبىنەن قارجىلاندىرىلاتىن پاۆلودار وبلىسى اكىمدىگىنىڭ ايماقتى دامىتۋعا باعىتتالعان الەۋمەتتىك ماڭىزى بار جوبالارىن دا تولىق قامتىپ وتىر. بۇل قاتاردى ERG قىزمەتكەرلەرى ءۇشىن ەرەكشە جوبالار، اتاپ ايتقاندا، جول قۇرىلىسى مەن ينفراقۇرىلىم، ارۋحانالاردى جوندەۋ، بالاباقشا مەن مەكتەپ قۇرىلىسىن قارجىلاندىرۋ، ويىن الاڭدارى مەن وزگە دە سپورت نىساندارى بار.
– ERG ءوز قىزمەتىندە مەملەكەت باسشىسىنىڭ سىندارلى ساياساتىن باسشىلىققا الادى ءارى كومپانيانىڭ الەۋمەتتىك جاۋاپكەرشىلىگى سونىڭ ايقىن دالەلى. كەيىنگى جىلدارى پاۆلودار، اقسۋ قالالارىنىڭ قالاي تۇرلەنگەنىن كوردىڭىزدەر. ەۋرازيالىق توپ قىزمەتكەرلەرىنىڭ باسىم بولىگى وسى وڭىردە تۇرادى. سول سەبەپتى ءبىز وسى ايماقتى دامىتۋعا ۇلەس قوسۋدى باقىت ساناپ، ەكى جىلدىق مەموراندۋمعا قول قويىپ وتىرمىز. ءبىز بيزنەستىڭ الەۋمەتتىك جاۋاپكەرشىلىك تانىتقانىن قولدايمىز ءارى اكىمدىكتىڭ ءوڭىر تۇرعىندارىنىڭ ءومىر ساپاسىن جاقسارتۋعا باعىتتالعان جوبالاردى قارجىلاندىرۋعا سەپتەسۋىن ءاردايىم قولدايمىز. ءبىزدىڭ تىڭنان قولعا العان «تۋعان جەر – رودنىە گورودا» اتتى باعدارلامامىزدىڭ دا تۇپكى ءمانى وسىندا، – دەدى Eurasian Resources Group S.a.r.l. ديرەكتورلارى كەڭەسىنىڭ ءتوراعاسى الەكساندر ماشكيەۆيچ
13 جىل بويى ەۋرازيالىق توپ (ERG) جىل سايىن توپ كاسىپورىندارى ورنالاسقان اقتوبە، قاراعاندى، قوستاناي جانە پاۆلودار وبلىستارىندا ماڭىزدى الەۋمەتتىك-ەكونوميكالىق جوبالاردى جۇزەگە اسىرۋ جونىندە مەموراندۋمدار جاساسىپ كەلەدى.
سوڭعى بەس جىلدا (2012-2016 جج.) ەۋرازيالىق توپتىڭ قازاقستانداعى بارلىق كاسىپورىندارى قىزمەتكەرلەردى الەۋمەتتىك قورعاۋ مەن الەۋمەتتىك سالانى قارجىلاندىرۋعا، ايماقتاردى الەۋمەتتىك-ەكونوميكالىق دامىتۋعا، دەمەۋشىلىك پەن قايىرىمدىلىققا 103 ملرد تەڭگەدەن استام قارجى جۇمسادى.
سونىڭ ىشىندە مەموراندۋمدار اياسىندا ERG پاۆلودار وبلىسىن دامىتۋعا 10،6 ملرد. تەڭگەدەن استام ينۆەستيسيا قۇيعان. بۇل قاتاردا اقسۋ قالاسىنا ءيمانجۇسىپ قۇتپان ۇلى اتىنداعى سپورت سارايىن الۋ، جابىق حوككەي كورتىنىڭ قۇرىلىسى، ەكىباستۇز قالاسىندا دارىندى بالالارعا ارنالعان مۋزىكا مەكتەبى مەن جۇزە باسسەينىن سالۋ، پاۆلودار قالاسىنا ترامۆايلار ساتىپ الىپ بەرۋ، مەكتەپتەرگە كۇردەلى جوندەۋ جۇرگىزۋ، بالالار جانە سپورت الاڭدارىن اباتتاندىرۋدى اتاپ ايتۋعا بولادى. ءداستۇرلى تۇردە دەنە شىنىقتىرۋ مەن سپورتتى دامىتۋعا قاراجات قاراستىرىلادى.
