سونىمەن قاتار وبلىستاعى ءبىرقاتار تەمىر جول ستانسيالارىنىڭ ترانسكريپسيالارىن ناقتىلاۋ بويىنشا باسقارمانىڭ ىقپال ەتۋىمەن وبلىستاعى 12 ستانسيانىڭ اتاۋلارى قازاقشالاناتىن بولادى. ستانسيا ترانسكريپسيالارىن وزگەرتۋ بويىنشا 2016 جىلدىڭ 1 قاراشاسىنداعى ق ر ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ وڭ قورىتىندىسىنا يە بولىپ، ءتيىستى جۇمىستار جۇرگىزىلۋدە.  مىسالى، "دجامبۋل – تاراز"، "چۋ – شۋ"، "بۋرنوە – بوراندى"، "چولدالا – ءشولدالا"، "چايكۋرۋك – شايقورىق"، "چەباكتى – شاباقتى"، "ۋچبۋلاك – ءۇشبۇلاق"، "اكچۋلاك – اقشولاق"، "تاتتى – ءتاتتى"، "چيگاناك – شىعاناق"، "كوشكەنتەنيز – قاشقانتەڭىز"، "چوكپار – شوقپار" ستانسيالارى، - دەپ ءسوزىن تۇيىندەدى باسقارما باسشىسى ع.بورانبايەۆا

مۇنداي تىڭ اقپاراتتى وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ باسشىسى عاليا بورانبايەۆا مالىمدەدى.

            عاليا بەكتەن قىزىنىڭ بايانداۋىنشا، 2016 جىلدىڭ 20 شىلدەدەگى قازاقستان رەسپۋبليكاسى پرەزيدەنتى اكىمشىلىگىنىڭ تاپسىرماسىنا سايكەس قوعامداعى پاتريوتتىق رۋحتى نىعايتۋ جانە جەكەلەگەن تۇلعالاردىڭ ەسىمدەرىن ۇلىقتاۋ ماقساتىندا 2016 جىلى ىبىراي ءالتىنساريننىڭ 175 جىلدىعى، ءاليحان بوكەيحانوۆتىڭ 150 جىلدىعى، قايىم مۇحامەدحانوۆ، كۋاكەن كەنجەتايەۆ، حاميت ەرعالييەۆ، باۋبەك بۇلقىشيەۆتاردىڭ 100 جىلدىق مەرەيتويلارى اتاپ وتىلەتىنى ەسكەرىلىپ تەك وسى تۇلعالاردىڭ ەسىمدەرىن بەرۋگە، سونىمەن قاتار توپونيميكالىق اتاۋلاردى بەرۋگە مۇمكىندىك بەرىلدى. وسى تالاپتارعا سايكەس 2016 جىلى ەل تاۋەلسىزدىگىنىڭ 25 جىلدىعىنا وراي 71 كوشەگە اتاۋ بەرىلدى. مىسالى، "ماڭگىلىك ەل"، "التىن وردا"، "تاۋەلسىزدىك"، "شاڭىراق"، "بىرلىك"، "ىنتىماق"، "بەيبىتشىلىك" ت.ب.