ەلباسى ماقالاسىنا وراي. "جاڭا تۇرپاتتى جاڭعىرۋدىڭ ەڭ باستى شارتى - سول ۇلتتىق كودىڭدى ساقتاي ءبىلۋ." تاۋىپ ايتىلعان ءسوز. قازىرگى كەزدەگى ۇلتتىق، تاريحي، جالپى بولمىسىمىزعا ساي كەلمەيتىن، مەيلى باتىس بولسىن، مەيلى باسقا بولسىن، مىنا جاس بۋىننىڭ ەلىكتەۋىنە توسقاۋىل بولاتىن دۇنيە ەكەن.
باسەكەگە قابىلەتتىلىك IT - تەحنولوگياسىن، شەت تىلدەرىن مەڭگەرۋ، مادەني اشىقتىق بۇل جونىندە داۋ جوق. جالپى ءبىزدىڭ ۇلتتىڭ، بۇل تارماقتاردى ءسوزسىز جۇتىپ الارىنا سەنىمدىمىن. تەك، جاعداي جاساپ بەرۋ كەرەك. ماسەلەن: ءتىل ماسەلەسىنە بايلانىستى ورتالىقتار اشىلسىن، اقىسى قاراپايىم حالىتىڭ قالتاسى كوتەرەتىندەي بولسىن. وعان قوسا ءىرى كاسىپ ورىندارىنا، كومپانيالارعا، كورپوراسيالارعا مەملەكەت جۇكتەسىن، جىل سايىن 20-25 ادامعا اعىلشىن ءتىلىن ۇيرەتسىن، كىشى كاسىپ ورىندارى جاقسى جۇمىس ىستەگەن كىسىنى تەگىن وقىتسىن. بۇل دا كورسەتكىش بولار ەدى. ەرلان قارين مىرزا باستاعان "شەرلوك حولمس" جوباسى سياقتى، ەلىمىزدىڭ ارنالارىندا جالعاسىن تاپسا. كەشە جالاقىسى كوتەرىلگەن دەپۋتاتتار ۇلگى كورسەتىپ، 1-2 قاراپايىم ۇستاز جالداپ 1جىلعا ءوز اۋىلدارىنا جىبەرتسەك. تۋعان جەر ماسەلەسىنە كىرىپ كەتەر ەدى.
"پراگماتيزم- ءوزىڭنىڭ ۇلتتىق جانە جەكە بايلىعىڭدى ناقتى ءبىلۋ، ونى ىسىراپ ەتپەۋ مەن ۇنەمدى پايدالانۋ." سول بايلىقتان ازعانتاي ۇلەس تيمەگەن سوڭ، ۇلتتىق بايلىقتى قارا حالىق ويلاۋدان قالعان. ال ىسىراپ ەتپەۋ مەن ۇنەمدى پايدالانۋ سول ۇلتتىق بايلىقتىڭ بۇل دۇنيەدە قىزىعىن كورىپ جۇرگەندەرگە ءتيىستى ايتىلعان بولۋ كەرەك. 
ءبىلىم الۋ، بولاشاق باعدارلاماسى ەل باسىنىڭ ەلدىڭ بولاشاعىنا الاڭداۋى عانا ەمەس، جالپى الەمگە كىم ەكەنىمىزدى كورسەتۋ، باسەكەگە قابىلەتتى بولۋ ساياساتى. بۇل ۇلكەن قولداۋ، ۇلكەن ءۇمىت. سول ءۇمىتتى اقتاپ جاتقانداردا بار. 
"وزىمىزدىكى عانا تاڭسىق، وزگەنىكى قاڭسىق"- بۇل كەرى تارتپا ءسوزسىز. سانانىڭ اشىقتىعى العا قوياتىن تۇيسىك. دامىعان ەلدەردىڭ جەتىستىگىن مويىنداي، ولارمەن ورتاق تىلدە، اشىق اڭگىمە ءوربىتىپ، تاجىريبە الا وتىرىپ سولاردىڭ قاتارىنا قوسىلۋ كەرەك دەپ ءتۇسىندىم. ونسىز بولماسىن ءبارىمىز مويىنداپ وتىرمىز. 
لاتىن ارىپتەرىن ەنگىزۋ، بۇل ەڭ الدىمەن قۇلدىق سانادان ارىلۋ كورىنىسى دەپ باعالايمىن، جانە العا قويعان ناقتى ماقساتى بار ەل رەتىندە العا جىلجۋ.
كىتاپ اۋدارۋ جوباسى كەرەمەت دۇنيە. سول اۋدارىلىم كەزىندە مازمۇندىق ساپاسىنا كوڭىل بولىنسە، مەيلى قاي تىلدەن اۋدارىلسا دا. سەبەبى كوپ جاعدايدا، جوعارعى وقۋ ورىندارىندا بولاشاق ينجەنەرلەرگە، ورىس تىلىنەن تىكەلەي اۋدارىلعان كىتاپتاردى ءتۇسىنۋ، قيىنعا سوعادى.
"قازاقستاننىڭ كيەلى جەرلەرىنىڭ گەوگرافياسى". ۇلتتىق ساناعا اسەر ەتپەي قويماسى انىق. كوزبەن كورىپ، قولمەن ۇستاپ تۇرىپ تاريحتان اسەر الىپ، العا باساتىن قادامدارىمىز نىق، سەنىمدى بولۋىنا ءوز ۇلەسىن قوساتىن بىردەن-بىر جوبا. ونى شەت ەلدەرگە، زاماناۋي ۇلگىدە تانىتۋ، ءبىزدىڭ قاسيەتتى حالىقتىڭ دانالىعىنا، قايسارلىعىنا، باتىرلىعىنا تاڭىرقايتىندارى ءسوزسىز. 
قازىرگى زامان باتىرلارىن ناسيحاتتاۋ، جاقسىلىققا يتەرمەلەۋ بولار ەدى. ادىلەت يمامبەكوۆ سياقتى، ەرتە وزسا دا دۇنيەدەن، الەمدى مويىنداتقان فيزيك. مىنە ۇلگى. 
جاڭعىرۋ قازىرگى زامان تالابىنا ساي بولۋ، قالاي ايتساق تا كەرەك دۇنيە. ءوز تاعدىرىمىز ءوز قولىمىزدا. دەسەك تە بيلىك پەن حالىق اراسىن ءالى دە بولسا جاقىنداتۋ كەرەك. ءبىر-بىرىمىزدى تىڭداماي، اقىلداسپاي ىستەلگەن دۇنيە نارازىلىق اكەلەرىن كوردىك. بۇل ءبىزدى ارتقا تارتارى انىق. ەلباسىن حالىق قولدايدى. جاڭعىرۋ، وسى زامان تالابىنا ساي ازامات بولۋ، مامان بولۋ، كاسىپكەر بولساق تا ءار قازاق بالاسىنا مىندەتتەلگەن جۇك بولماق.