قازاقستان ۇلتتىق ارناسىنىڭ جەكسەنبىلىك «اپتا» ساراپتامالىق حابارىندا قازاق تەليەۆيزياسىنىڭ كەسەك تۇلعالارى اتالدى دەپ حابارلايدى Qamshy.kz
باعدارلاما جۇرگىزۋشىسى بىرنەشە اپتا بۇرىن قازاقستانعا كەلىپ ترەنينگ وتكىزگەن رەسەيلىك جۋرناليست ءسولوۆوۆ تۋرالى ايتا كەلىپ، ونىڭ ترەنينگىنە قاتىسىپ شىققان سوڭعى كاسىپكەر، جۋرناليست ارمانجان بايتاسوۆتىڭ «قازاقستاندا ءسولوۆوۆ سەكىلدى سايرايتىن تەلەارنادا پروفەسسيونال تۇلعا جوق، ونىمەن ءتىپتى يىق تىرەستىرىپ تۇرىپ ايتىسا الاتىن تەلەجۇلدىزدارىڭىزدى ايتىڭدارشى قانە؟» دەگەن پىكىرىنە توقتالادى.
«نە دەيىن، ول راس، ءدال سولوۆوۆتەي شوۆينيست، ءدال سولوۆوۆتەي ىرىتكى سالعىش، ءدال سولوۆوۆتەي ءوز ۇلتىنىڭ ۇستەمدىگىن ناسيحاتتايتىن جۋرناليست راسىمەن دە بىزدە جوق. ەسەسىنە ءبىزدىڭ تەلەارنالاردا پاراساتتىلىعى مەن ءبىلىمى ءوي-ورىسى مەن مادەني ولشەمى سولوۆوۆتەن الدەقايدا بيىك تەلەجۋرناليستەر جەتىپ ارتىلادى. تەك، ولاردىڭ باعاسىن ءوزىمىز بىلە بەرمەيمىز، بىلسەك تە كەيدە مويىندامايمىز. بۇگىن ءبىز ءداستۇرلى «رەيتينگ» ايدارىنىڭ ورنىنا قازاقستان تەليەۆيزياسىنىڭ دامۋىنا سۇبەلى ۇلەس قوسقان، ۇلتتىڭ ۇلت بولىپ ۇيىسۋىنا وزىندىك ەڭبەگىن سىڭىرگەن ارىپتەستەرىمىزدىڭ ەڭبەگىن تاعى ءبىر اتاپ كەتۋدى ءجون كوردىك»، - دەيدى جۇرگىزۋشى مۇحتار تۇمەنبايەۆ.
