اقمولا وبلىسى بويىنشا توتەنشە جاعدايلار دەپارتامەنتىنىڭ كۇشتەرىمەن، جەرگىلىكتى اتقارۋشى ورگاندار، ىشكى ىستەر ورگاندارىمەن جانە دە كوكشەتاۋ تەحنيكالىق ينستيتۋتىنىڭ كۋرسانتتارىنىڭ كۇشتەرىمەن بۇگىنگى تاڭدا اتباسار اۋدانىنداعى سۋ باسۋ ايماقتارىنان 1340 استام ادام، 170 باس اۋىلشارۋاشىلىق جانۋارلارى قۇتقارىلدى. بۇل تۋرالى اقمولا وبلىسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگ بارىسىنىدا اقمولا وبلىسى بويىنشا توتەنشە  جاعدايلار دەپارتامەنتى باسشىسىنىڭ ورىنباسارى ماناربەك شاپراعاتوۆ باياندادى دەپ حابارلايدى قامشى اقپاراتتىق اگەنتتىگى.

اقمولا وبلىسى اۋماعىندا اۋا رايى جاعدايلارىنا بايلانىستى  كوكتەمگى تاسقىن احۋالدارى ورىن الدى. وسىلاي اپات سالدارىنان 5 اۋدان زارداپ شەكتى، سونىڭ ىشىنەن ەڭ كۇردەلى جاعداي اقمولا وبلىسىنىڭ ساندىقتاۋ جانە اتباسار اۋداندارىندا قالىپتاستى.

اتباسار قالاسىندا قورعانىس بوگەتىندە 5 جەردەن بۇزىلدى، سونىڭ سالدارىنان 130 تۇرعىن ۇيلەردى سۋ باستى. اتباسار اۋدانىنداعى ۇلكەن تاسقىن سالدارىن جويۋ ءۇشىن اقمولا  وبلىسىنىڭ تجد ينەرتتى ماتەريالدارمەن تولتىرىلعان قاپتاردان بوگەتتەر جاساۋ جۇمىستارى جۇرگىزىلدى.

«قازىرگى ۋاقىتتا اتباسار اۋدانىندا 10 مىڭعا جۋىق قاپتارمەن 2 مەتر بيىكتىكتە جانە ۇزىندىعى 205 مەتر بولاتىنداي بوگەت قۇرىلدى»، - دەپ، اقمولا وبلىسى بويىنشا توتەنشە جاعدايلار دەپارتامەنتى باسشىسىنىڭ ورىنباسارى ماناربەك شاپاعاتوۆ باياندادى.

ساندىقتاۋ اۋدانىندا 6 ەلدى-مەكەن جانە 240 ءۇي تاسقىننان زارداپ شەكتى. جەرگىلىكتى اتقارۋشى ورگاندارمەن جانە تجم سۋ باسقان اۋماقتاردان تۇرعىنداردى قۇتقارۋ جۇمىستارى جۇرگىزىلدى. بارلىعى 570 ادام قۇتقارىلدى. اۋىل شارۋاشىلىق جانۋارلاردىڭ 160 باستان استامى ءقاۋىپسىز اۋماقتارعا ايدالدى.  بارلىق كورسەتىلگەن جەرلەردە ينەرتتى ماتەريالدارمەن ۇيلەردى جانە دامبالاردى سالۋ جۇمىستارى جۇرگىزىلدى، تاسقىن سۋلاردى كانالدار ارقىلى بۇرۋ بويىنشا جۇمىستارى، كەزەكشىلىكتەر ۇيىمداستىرىلدى.  جول ارقىلى  ارنارلاردىڭ اسقان جەرلەرىندە جول قىزمەتكەرلەرىمەن ەسكەرتۋ بەلگىلەرى قويىلدى.

«بارلىعى اقمولا وبلىسى بويىنشا دەپارتامەنتپەن، ىشكى ىستەر ورگاندارىمەن، جەرگىلىكتى اتقارۋشى ورگاندارمەن، مەديسينالىق اپات ورتالىعىمەن جانە كوكشەتاۋ تەحنيكالىق ينستيتۋتىنىڭ كۋرسانتتارىمەن اۆاريالىق-قۇتقارۋ جۇمىستارى كەزىندە  968 ادام موبيليزاسيالانعان، 248 تەحنيكا بىرلىكتەرى، 6 موتوپومپا، 11 ءجۇزۋ قۇرالدارى جانە  1 تىكۇشاق جۇمىلدىرىلعان»، - دەگەن اقمولا وبلىسى بويىنشا توتەنشە جاعدايلار دەپارتامەنتى باسشىسىنىڭ ورىنباسارى ماناربەك شاپاعاتوۆ اقپارات بەردى.

اتاپ وتسەك، اقمولا وبلىسىنىڭ توتەنشە جاعدايلار دەپارتامەنتى بازاسىندا 8 ساۋىردەن باستاپ اقپاراتتىق جەدەل جەلى تەلەفونى قىزمەت ىستەۋدە (8-7162-50-26-75).

ماناربەك شاپاعاتوۆتىڭ ايتۋىنشا، قولدانىلىپ جاتقان شارالار ناتيجەسىندە تاسقىن سۋ مولشەرى تومەندەيدى دەپ كۇتىلۋدە. ءقازىردىڭ وزىندە ساندىقتاۋ اۋدانىندا سۋ مولشەرىنىڭ تومەندەۋى بايقالدى.