Instagram الەۋمەتتىك جەلىسى Android وپەراسيالىق جۇيەسىنە بىرنەشە قىزمەتتى ينتەرنەتسىز دە قولجەتىمدى ەتتى، دەپ حابارلايدى reactor.inform.kz پورتالى TechCrunch-كە سىلتەمە جاساپ.

F8 كونفەرەنسياسىندا Instagram كومپانياسىنىڭ وكىلدەرى الداعى ۋاقىتتا  جەلى قولدانۋشىلارىنىڭ ينتەرنەتكە قوسىلماي-اق پىكىر جازىپ، لايك باسۋىنا، فوتونى ساقتاۋىنا مۇمكىندىك تۋىندايتىنىن مالىمدەدى. بۇل فۋنكسيالاردىڭ بارلىعى دا قوسىمشادا ساقتالىپ، پايدالانۋشى ينتەرنەتكە قوسىلعان كەزدە ىسكە اساتىن بولادى.

اتالعان فۋنكسيا ازىرشە تەك Android قولدانۋشىلارىنا عانا قولجەتىمدى بولىپ وتىر، الايدا تاياۋ ارادا iOS قولدانۋشىلارى دا بۇعان قول جەتكىزەتىن بولادى دەپ جوسپارلانۋدا.

ايتا كەتەيىك، قازىرگى تاڭدا الەمدە 600 ملن ادام Instagram الەۋمەتتىك جەلىسىن قولدانادى.