Fox News تەلەارناسىنىڭ جۇرگىزۋشىسى بيلل و’رەيلي رەسەي پرەزيدەنتى ۆلاديمير پۋتينگە ءتىل تيگىزگەنى ءۇشىن جۇمىستان قۋىلدى. وسى ارنانىڭ يەسى 21st Century Fox كومپانياسى جاريالاعان مالىمدەمەدە وسى وقيعاعا تۇسىندىرمە بەرىلدى. بۇل تۋرالى قامشى اا lenta.ru-عا سىلتەمە جاساپ حابارلايدى.
بيلل و’رەيليدىڭ پۋتينگە قاتىستى جالاسى تۋرالى ەكى جاق زەرتتەۋ جۇرگىزە كەلە تەلەجۇرگىزۋشىنىڭ ارناعا قايتا ورالمايتىندىعى شەشىلدى. و’رەيلي جىنىستىق بوپسالاۋ جاساعانى ءۇشىن ايىپتالعاندىعى تۋرالى Reuters حابارلاعان. جۋرناليست كوپ ايەلدەردىڭ شاعىمىنا قالىپ، بارلىعى 13 ميلليون دوللار ايىپپۇل تولەگەن. ەڭ قىزىعى، بۇل ايەلدەردىڭ بارلىعى جۋرناليستپەن بىرگە جۇمىس ىستەگەن نەمەسە حابارعا قاتىسقان قوناقتار بولعان.
«فاكتور و'رەيلي»- Fox News ارناسىنداعى ەڭ تانىمال شوۋ. جۋرناليست بۇل اتالعان تەلەكومپانيادا جيىرما جىلعا جۋىق قىزمەت ەتكەن.
اقپان ايىنىڭ باسىندا ترامپپەن سۇحبات باراسىندا اقش پرەزيدەنتى رەسەيلىك ليدەرگە قۇرمەتپەن قارايتىنىن جەتكىزگەن ەدى. سوندا جۇرگىزۋشى رەسەي پرەزيدەنتىن "قانىشەر" دەپ اتاعان. سوندا ترامپ «ءبىزدىڭ ەل دە جەتىسىپ تۇرعان جوق قوي» دەپ جاۋاپ بەرگەن بولاتىن.
رەسەي پرەزيدەنتىنىڭ پرەسس-حاتشىسى دميتريي پەسكوۆ مۇنى ءتىز تيگىزۋ، جالا جابۋ رەتىندە باعالادى. تيىسىنشە، ءجۋرناليستىڭ كەشىرىم سۇراۋ كەرەكتىگىن مالىمدەدى. ال، و’رەيلي بولسا پۋتيننەن كەشىرىم سۇراسام ول تەك 2023 جىلى عانا بولادى دەپ جاۋاپ بەرگەن.
