وقيعا جەلىسى قيىن جاعدايدا جالعىز قالعان ايەلدەردىڭ تاعدىرى جايىندا باياندايدى. سوڭعى كەزدە شاراسىز كۇيگە تۇسكەن قىز-كەلىنشەكتەردەن قوعام دا، ءتىپتى جاقىندارى دا تەرىس اينالىپ جاتاتىنى بەلگىلى. ولار بارارعا جەر تاپپاي، ءتۇرلى جاعدايلارعا ۇشىراپ، اۋىر ازاپتارىمەن وقشاۋ قالادى.
بۇل الەۋمەتتىك دراما ءتۇرلى سەبەپتەرمەن دۇنيەگە نەكەسىز ءسابي اكەلگەن ايەلدەرگە قاتىستى جاعىمسىز ستەرەوتيپتەردى بۇزىپ، سابيلەردى جەتىمدىكتەن قۇتقارۋدى، رۋحاني جانە وتباسىلىق قۇندىلىقتاردى قايتا جاڭعىرتۋدى ماقسات ەتەدى.
تەلەحيكايادا اتا-انا مەن بالانىڭ قارىم-قاتىناسى، تۇرمىستاعى زورلىق-زومبىلىق، تالىم-تاربيەنىڭ اسەرى، ادامگەرشىلىك پەن جاۋاپكەرشىلىك سىندى وتكىر الەۋمەتتىك ماسەلەلەر قوزعالادى. وقيعالار مەن كەيىپكەرلەردىڭ وبرازدارى شىنايى ومىردەن الىنعان.
«قازاقستان» ۇلتتىق تەلەارناسى الەۋمەتتىك تاقىرىپتار مەن قوعامداعى ماسەلەلەردى كورسەتۋدى جالعاستىرا وتىرىپ، كورەرمەندى بەيجاي قالدىرمايتىن، 16 بولىمنەن تۇراتىن «اناشىم، مەنى قالدىرما...» دراماسىن ۇسىنادى.
تۋىندىنى 22 ساۋىردەن باستاپ سەنبى، جەكسەنبى كۇندەرى 15:10-دا كورە الاسىزدار.
