Apple كورپوراسياسى جاڭا ەكى iPad پلانشەتتەرى: Air 2 مەن iPad Mini 3ء-تىڭ تانىستىرىلىمىن وتكىزدى. بۇل تۋرالى قازاقپارات BBC-گە سىلتەمە جاساپ حابارلادى.
تانىستىرىلعان پلانشەتتىڭ ەكەۋى دە iOS 8.1 وپەراسيالىق جۇيەسىمەن جۇمىس ىستەيدى. iPad Air 2 الدىڭعى مودەلىنە قاراعاندا 18% جۇقارىپ، ونىڭ قالىڭدىعى نەبارى 6،1 مم بولىپ شىققان. كومپانيا وكىلدەرىنىڭ ايتۋىنشا، بۇل قازىرگى تاڭدا الەمدەگى ەڭ جۇقا پلانشەت سانالادى.
قوس مودەل دە اقش پەن ەۋروپا ەلدەرىندە ءبىر اپتانىڭ ىشىندە تارالىپ بولادى. ال رەسەي مەن قازاقستاندا ساتىلىم تەك قازان ايىنىڭ سوڭىندا باستالادى.
قامشى-اقپارات
