فرانسيالىق Capital Biotech كومپانياسى  «حالال ەتتى تەكسەرەتىن تەست» ازىرلەدى، ول مۇسىلمانداردىڭ   قاي مالدىڭ ەتىن تۇتىنىپ جاتقانىن  ايقىنداۋعا، سۋسىندا الكوگول بار-جوقتىعىن انىقتاۋعا مۇمكىندىك بەرەدى. بۇل تۋرالى رەسەيلىك باق-قا سىلتەمە جاساپ قازاقپارات جازدى.

ول استا يسلامدا تىيىم سالىنعان دوڭىز ەتىنىڭ بار-جوعىن انىقتاۋعا مۇمكىندىك بەرەدى.

جۇكتىلىكتى انىقتايتىن تەست سياقتى، مۇندا دا ەكى جولاق بار. ءبىر جولاق - تىيىم سالىنعان قوسپانىڭ جوقتىعىن، ەكى جولاق - بار ەكەنىن بىلدىرەدى. تەستىلەۋ ءۇشىن  جىلى سۋ قۇيىلعان ستاقانعا ءونىمنىڭ ءبىر بولشەگىن سالىپ، ءبىرازدان سوڭ انىقتايتىن جابدىقتى سۋعا مالۋ قاجەت ەكەن.

كومپانيانىڭ نەگىزىن قالاۋشى ابدەرراحمان  شاۋي «الجيردە شىققان تەست ەتيكەتتە قوسپالارى جازىلماعان تاعامدى ساتىپ العان كەزدە اسا پايدالى، ءارى ساپارعا شىققاندا، مەيرامحانادا تاماقتانعان كەزدە وتە قاجەت»، - دەيدى.

اقپاراتقا ساي، تەست جابدىعىنىڭ ءبىر داناسىنىڭ قۇنى  6،9 ەۋرو، وراماسى 125 ەۋرو.

ەسكە سالا كەتسەك، مۇسىلماندار ءۇشىن قۇراندا حالالعا جاتپايتىن تاعامدار تىزبەسى بار. وعان شوشقا ەتى، ولگەن مالدىڭ ەتى، قاعيدا بويىنشا سويىلماعان مال ەتى جانە ت.ب. جاتادى.

قامشى-اقپارات