قازىرگى كەزدە كەيبىر ەر ادامدار ءوز ايەلدەرىن ۇرىپ-سوعىپ كۇن كورسەتپەيتىن بولدى. وسىنداي وقيعالاردىڭ ءبىرى اناستاسيانىڭ باسىنان ءوتىپتى.  اناستاسيا ياكوۆليەۆانىڭ بۇرىنعى كۇيەۋى  وليگارح اندرەي ياكوۆليەۆ بالالارىن ءوزى تاربيەلەگىسى كەلەتىنىن ايتقان ەكەن. اناستاسيانىڭ ايتۋىنا قاراعاندا، كۇيەۋى ونى ۇنەمى ۇرىپ-سوعاتىن، ءتىپتى سوڭعى كەزدەرى قورقىتىپ، بوپسالاپ تا ءجۇر ەكەن.

ەرلى-زايىپتىلار 5 جىل بىرگە تۇرىپتى. 52 جاستاعى ميلليونەر مەن 24 جاستاعى سانبيكەنىڭ نەكەسى كوپشىلىكتىڭ قىزىعۋشىلىعىن تۋدىرعان ەدى.

ءبىر كەزدەرى اندرەي ءوز ايەلىن ايۋاندىقپەن ۇرىپ-سوعىپ، ۇيدەن قۋىپ شىققان كورىنەدى. وسىدان كەيىن تانىمال سانبيكە ءوز قۇقىعىن قورعاۋ ءۇشىن سوتقا ارىز بەرگەن.  الايدا سوت اناستاسيانى جالعان كۋاگەرلەردىڭ كەسىرىنەن كىنالى دەپ تاپقان ەكەن. سوسىن 1 جىلدان كەيىن بارلىق ءمانجاي انىقتالىپ، اناستاسياعا تاعىلعان ايىپ الىنىپ تاستالعان. ولار اجىراسقانىمەن، اندرەي 2 بالاسىن وزىنە قايتارعىسى كەلەتىنىن ايتىپ، سوتقا قايتادان ارىز جازىپتى. ولاردىڭ ورتاق 2 بالاسى بار.

ونىڭ بۇرىنعى كۇيەۋى ايەلىمەن ايرىلىسقاننان كەيىن ونىڭ ءومىرىن توزاققا اينالدىرعان.  ۇنەمى قورقىتىپ، بوپسالاپ، بالالارىن تارتىپ الامىن دەپ ايتىپ جۇرگەن. تۇندە ۇنەمى بەلگىسىز بىرەۋ ەسىكتىڭ قۇلىپىن بۇزىپ كەتىپ قورقىتادى ەكەن. ولاردىڭ تۇڭعىش ۇلى مارك اكەسىمەن تۇرۋ بىلاي تۇرسىن، كورىسۋدەن دە باس تارتىپتى.

«مەن ونىمەن بىرگە تۇرعىم كەلمەيدى. ول مەنى تاعى دا بەلبەۋمەن ۇرادى»، - دەگەن 5 جاستاعى مارك.

وسى ىسكە بايلانىستى تەرگەۋ جۇمىستارى جۇرگىزىلىپ جاتىر.

اۋدارعان: اسەل وتەشوۆا