بريتاندىق ادام لايونستىڭ ەكى ايەلى بار جانە ولار ءبىر ۇيدە تۇرادى. ادامنىڭ برۋك شەدد ەسىمدى ايەلىنەن دانتە ەسىمدى بالاسى بار. ال ەكىنشى ايەلى تۇڭعىشىن بوسانباق. 

«ءبىز ۇشەۋىمىز ءبىر ۋاقىتتا اتا-انا اتاناتىنىمىز قانداي جاقسى. ءبىز بىرگە بالالارىمىزدى تاربيەلەپ، وسىرەمىز. ءبىز بۇل تۋرالى كوپ ويلاندىق، ناتيجەسىندە ۇشەۋىمىز دە بولاشاق بالاعا قامقور بولامىز دەپ شەشتىك» دەيدى ادام.

ادام ەرەكشە وتباسىنىڭ كۇندەلىكتى ءومىرى تۋرالى ايتىپ ءوتتى.

«ۇشەۋىمىز دە جۇمىس ىستەگەندىكتەن كۇندەلىكتە ومىردە بىزگە وتە ىڭعايلى. ءۇي شارۋاسىن اتقارۋدا ەشقانداي قيىندىق كورمەيمىز. بالالارعا قارايتىن دا ادام بار. ءاربىر وتباسى مۇشەسىنىڭ دەمالۋعا ۋاقىتى بولادى. برۋك پەن دجەين العاش ءوز قارىم-قاتىناسى تۋرالى ايتقاندا بارلىعى مۇنىڭ ۇزاققا بارمايتىنىن ايتتى. الايدا ءبىزدىڭ بىرگە تۇرىپ جاتقانىمىزعا 5 جىل بولدى. ءبىز ناعىز وتباسىمىز» دەيدى ادام لايونس.

دايىنداعان: سابينا رامازان