بۇل وقيعا ماياميدە وسىدان بىرنەشە جىل بۇرىن بولعان. 37 جاستاعى پامەلا راۋسەو ءوزىنىڭ جيەنى سەباستيانمەن  سەرۋەننەن سوڭ قايتىپ بارا جاتقان. جول بويى بالا جىلاپ مازاسى كەتكەن. ءبىر مەزەتتە ونىڭ داۋسى مۇلدەم شىقپاي قالعان. پامەلا بالانىڭ باسىن بۇرىپ قاراعاندا ونىڭ قوزعالماي قالعانىن بوزارىپ بارا جاتقانىن بايقاعان.

ايەل تەز ارادا وتىرعان اۆتوكولىگىنەن شىعارىپ الىپ وعان قولدان دەم الدىرعان. مۇنى كوشەدە كەلە جاتقان فوتوكوررەسپوندەنت ءتۇسىرىپ العان.

بىرنەشە ادام توقتاپ پامەلاعا كومەكتەسۋگە تىرىسقان. پوليسەيلەر وقيعا ورىنىنا جاقىن جەردە بولىپ بالانى  ومىرگە قايتا كەلتىرۋگە كومەكتەسكەن.

جەدەل جاردەم شاقىرىلعان. الايدا كومەك كەلەم دەگەنشە سەباستياننىڭ جۇرەك سوعىسى قايتا  جوعالا باستاعان.  وسى كەزدە پامەلا بالانى قولدان ەم العىزۋعا تىرىسقان.

بالا شالا تۋىلعان ەكەن. ونىڭ تىنىس جولدارىنا بايلانىستى پروبلەمالارى بولعان.

وسىعان دەيىن بىرنەشە جىل بۇرىن پامەلانىڭ ءوز ۇلى دا تۋرا وسىنداي جاعدايدان و دۇنيەلىك بولىپ كەتە جازداعان. سول كەزدە ونى جەدەل جاردەم قۇتقارىپ قالعان. وسى جاعدايدان كەيىن پامەلا العاشقى مەدەسينالىق كومەك بەرۋ كۋرستارىنا جازىلىپ ۇيرەنىپ العان. مىنە، وسى ءبىلىمى ونىڭ ءوز جيەنىنىڭ ءومىرىن ساقتاپ قالۋعا كومەگىن تيگىزەن.

الايدا، پامەلانىڭ ايتۋى بويىنشا، ول توتەنشە جاعداي ورىن العاندا ءوزىنىڭ كۋرسقا بارعانىن مۇلدەم ۇمىتىپ كەتكەن. بارلىق نارسەنى اۆتوماتتى تۇردە جاسادىم دەيدى ايەل. «اپكەم ماعان بالاسىن تابىستادى. مەن ونىڭ اماناتىنا قيانات جاساماۋىم كەرەك بولدى»-دەيدى پامەلا. ءقازىر ونىڭ جيەنىنىڭ دەنساۋلىعى جاقسى. 

كۇندەلىكتى ومىردە اياق استى، توتەنشە جاعدايلارعا تاپ بولىپ جاتامىز. سول كەزدە ادامنىڭ ءومىرىن بىر-ەكى مينۋت، كەيدە سەكۋنتتار شەشىم جاتادى. ەڭ باستىسى بارلىعىن ۋاقىتىندا، سەش ساساپاي، قورىقپاي ىستەۋ. قورقىنىش پەن بايبالامعا سالىنۋ ءسىز بەن جاقىنىڭىزدىڭ ءومىرىن قۇتقارمايدى، وسىنى ەستە ساقتاعان ءجون.

دايىنداعان: نازەركە مۇسا