مارتين پيستوريۋس دەنى ساۋ ازامات بولىپ دۇنيەگە كەلگەن.وڭتۇستىك افريكانىڭ تۋماسى وزگە بالالار سەكىلدى مەكتەپتە وقىپ، بالالىق شاقتىڭ قىزىعىنا باتىپ جۇرەدى. الايدا 1988 جىلدىڭ قاڭتارىندا اياق استىنان تاماعىنىڭ اۋرىپ جۇرگەنىن ايتادى. اتا-اناسى تاماعىنا سۋىق تيگەن دەپ اسا ءمان بەرمەگەن.

بىرنەشە اي وتكەن سوڭ ءمارتيننىڭ جاعدايى بۇرىنعىدان ناشارلاي تۇسەدى. اياعى قوزعالۋدان باس تارتىپ، سويلەۋى دە بۇزىلادى. دارىگەرلەر بالانىڭ جاعدايىن قانشا تەكسەرگەنىمەن، نە بولعانىن وزدەرى دە تۇسىنە المادى. ەشقانداي دياگنوز قويا الماعاندىقتان قولدارىن ءبىر سىلتەدى. تەك بولجام رەتىندە كريپتوكوككوز مەنينگيتى دەگەن دياگنوز قويدى.

ءسويتىپ دارىگەرلەر بالاعا ەش كومەك كورسەتە المايتىندارىن ايتىپ، اۋرۋحانادان شىعارادى. بالانىڭ ءوىر ءسۇرۋ ۋاقىتى از قالدى دەپ، اتا-اناسىنا سول ۋاقىتقا دەيىن قامقور بولۋىن ەسكەرتكەن.

سول كۇننەن باستاپ وتباسىندا جاڭا ءتارتىپ ورنادى: اكەسى تاڭ اتپاي ۇيقىسىنان ويانىپ، ءمارتيندى جۋىنىدىرىپ، كيىندىرگەن. مارتين وزدىگىنەن تاماقاتانا الماعاندىقتان، تاماقتى وعان قاسىقتاپ بەرەتىن. ودان كەيىن ارنايى تەراپيەۆتىك ورتالىققا اپاراتىن، ورتالىقتا بالا تاڭنان كەشكە دەيىن بولۋى ءتيىس ەدى، ال اكەسى جانىندا جۇرەتىن. كەشكە قايتادان جۋىندىرىپ، تاماقتاندىرىپ، ۇيىقتاتاتىن. تۇندە ءار ەكى ساعات سايىن اكەسى بالاسىن اۋناتىپ تۇراتىن، سەبەبى قوزعالماي جاتا بەرگەننەن بالانىڭ دەنەسى ءۇيىپ قالادى.

بىرنەشە جىلدان سوڭ بالانىڭ ساناسى ويانا باستايدى. تەك بۇل جايىندا ەشكىم بىلمەگەن، سەبەبى مارتين ءبارىن ەستىپ-بىلسە دە، سويلەي الماعان. ىشتەي ايقايلايتىن، جىلايتىن، ءبىراق ونى ەشكىم ەستىمەيتىن.

بىردە ءمارتيننىڭ اناسى بالاسىنىڭ ولگەنىن قالايتىنىن ايتىپ قالدى. اۋرۋ بالالارى وتباسىنا ابدەن ساسىل بولعان كورىنەدى. ول ءمارتيندى ەشتەڭە ەستىمەيدى دەپ ويلاعانىمەن، بالا ءبارىن ءبىلىپ جاتتى. بۇل كەز ءمارتيننىڭ ومىرىندەگى ەڭ قيىن ساتتەردىڭ ءبىرى بولدى.

ءمارتيننىڭ جاسى 25-كە تولعاندا تەراپيەۆتىك ورتالىقتىڭ قىزمەتشىسى جىگىتتىڭ ەرەكشە قيمىلدارىن بايقايدى، ول كوزقاراسى ارقىلى قىزعا ىشىندەگىسىن تۇسىندرىگىسى كەلگەن. ياعني، ءمارتيننىڭ جاعدايى جىلدان-جىلعا جاقسارىپ كەلەدى دەگەن ءسوز.

مۇنى بىلگەن اناسى جۇمىسىنان شىعىپ، كەلەسى 2 جىلىن تەك بالاسىنىڭ جانىندا وتكىزەدى. مارتين اۋرۋىنان ايىقتى، ءبىراق سويلەي المايدى. ءوز ويىن ارنايى كومپيۋتەرلىك باعدارلاما ارقىلى جەتكىزەتىن.

ءسويتىپ مارتين كومپيۋتەر ءتىلىن مەڭگەرىپ، ۆەب-ديزاينەر بولىپ جۇمىسقا ورنالاسادى. اپكەسى ءمارتيندى ءوزىنىڭ قۇربىسى دجوانمەن تانىستىرادى. 2009 جىلى ەكى جۇپتىڭ ۇيلەنۋ تويى وتەدى.  

شولۋشى: سابينا رامازان