ءوز جەرىندە كوك كوزدەر قايراتىمدى،
ماسقارالاپ قولداندى ايلا ءتۇرلى.
ورىس ءتىلىن بىلمەسە ءتۇسىنىڭىز،
مەنسىنبەگەن شىعار-اۋ مايدا ءتىلدى؟!
تۇرعان جوق پا سوزگە باي – قازاق ءتىلىم،
«قازاقپىن» - دەپ كۇي كەشتىم عاجاپ بۇگىن.
ورىس ءتىلىن بىلمەگەن قايراتىمنان،
سەزىلىپ تۇر، شىركىن-اي، ازاتتىعىم!
سوعان ءقازىر جەتپەي ءجۇر مي اتتەگەن،
ۇقپايتىنعا سىلدىر سۋ سياقتى ولەڭ.
ورىس ءتىلىن بىلمەگەن ۇيات ەمەس،
قازاق ءتىلىن بىلمەگەن ۇيات دەر ەم!
ءوز ءتىلىم بار وزگەنىڭ كەرەگى نە،
ۇيرەنگەنگە ابىروي بەرەدى مە؟
«ۇيات بولدى» دەگەندەر الدىمەنەن،
ءوز ءتىلىنىڭ بويلاسىن تەرەڭىنە.
ۇيالمايمىن، ماقتانام قايراتپەنەن،
مەن وسىلاي ءوزىمدى قايراپ كەلەم.
ءور نامىسى جوعارى قازاق بولساق،
بيىگىنەن تۇسپەيدى بايراق تومەن!
اۆتورى: سايات ابەنوۆ
