بۇل ايەل ەڭبەك دەمالىسىندا تايلاندقا بارادى. ساياحاتتان كەرەمەت اسەر الىپ، ءبىر بۋما فوتومەن ورالادى. ايەل دوستارىنا سۋرەتتەردى كورسەتكەندە، كريميناليست دوسى ولاردى توناپ كەتكەنىن ايتادى.
ايەلدىڭ «نەلىكتەن ولاي ويلايسىڭ؟» دەگەن سۇراعىنا فوتوعا مۇقيات قاراۋدى ۇسىنادى.
تۋريست ۇلتتىق كيىم كيگەن كىشكەنتاي قىزدارمەن فوتوعا ءتۇسىپ جاتقاندا ولار ايەلدىڭ ساعاتىن بىلدىرتپەي شەشىپ العان. قىزدار كامەراعا كۇلىمسىرەپ تۇرعان ۋاقىتتا، قولدارىمەن ۇرلىق جاساپ ۇلگەرىپ جاتىر. فوتوداعى ساعاتىن شىنىمەن دە ايەل جوعالتىپ العان ەدى. الايدا كىشكەنتاي سۇيكىمدى قىزدار الدى دەپ ەش ويلاعان ەمەس.
تۋريست ايەل ءوزىنىڭ وقيعاسىمەن الەۋمەتتىك جەلىدە ءبولىستى. بەلگىلى بولعانداي، مۇنداي جاعدايدى باستان وتكەرگەندەر كوپ ەكەن. قىلمىسكەر ادامنىڭ دەنەسىنە بىرنەشە مارتە سۇيكەنىپ وتەدى. بۇل ادامنىڭ سىرتقى اسەرگە سەزىمىن جوعالتۋى ءۇشىن قاجەت. ودان كەيىن ۇرلىق جاسايدى. سونىمەن قاتار، ۇرى ءۇشىن ۇرلىق جاساۋعا ەڭ ءتيىمدى ورىن حالىقتىڭ ەڭ كوپ شوعىرلانعان جەرى بولىپ سانالادى.
شولۋشى: سابينا رامازان
