بۇگىندە «قازاقستان تۇرعىن ءۇي-قۇرىلىس جيناق بانكىنىڭ» ۇسىنىپ وتىرعان «نۇرلى جول» جانە «ءوز ءۇيىم» مەملەكەتتىك باعدارلامالارى بويىنشا باسپاناعا قول جەتكىزۋگە مۇمكىندىك بار. ەگەر ءسىز اتالمىش بانكتەن ەسەپشوت اشىپ، كەلىسىمشارتتا كورسەتىلگەن قارجى كولەمىن اي سايىن سالىپ وتىرساڭىز، كەم دەگەندە ءتورت جىل ىشىندە باسپاناعا قول جەتكىزۋگە بولادى. 
– «قولجەتىمدى باسپانا-2020» باعدارلاماسى ۋاقىتشا توقتاتىلدى.

بانكتىڭ وبلىستىق بولىمشەلەرىندە «بايتەرەك ديەۆەلوپمەنت» جەلىسى بويىنشا «نۇرلى جول» باعدارلاماسى اياسىندا تۇرعىن ۇيگە ءوتىنىش قابىلداۋ باستالعان. «سالىمشىلار وزدەرىنىڭ ەسەپشوتتارىن باسپانا ماسەلەسىن شەشۋ ءۇشىن اشاتىندىقتان، ولارعا ارنالعان ءتيىمدى ۇسىنىستار اۋقىمىن كەڭەيتۋگە بارىنشا تىرىسامىز. ءتيىمدى شارتتار مەن باسپانا ساپاسىن الدىڭعى ورىنعا قويىپ، اتالمىش باعدارلاما بويىنشا 30 پايىزدىق باستاپقى جارنامەن نەسيە بەرەمىز، - دەيدى «تۇرعىن ءۇي-قۇرىلىس جيناق بانكى» اق شىعىس قازاقستان وبلىستىق فيليالىنىڭ مامانى ارحات اساۋبايەۆ.
«تۇرعىن ءۇي-قۇرىلىس جيناق بانكى» سالىمشىلارىنىڭ دەپوزيتىندە ءبىر جىلدا 450 مىڭ تەڭگە جينالاتىن بولسا، وعان مەملەكەت تاراپىنان 90 مىڭ تەڭگە سىياقى قوسىلادى. ال ەگەر كەمىندە 200 مىڭ تەڭگە جينايتىن بولساڭىز، ونىڭ ۇستىنە 40 مىڭ تەڭگە سىياقى مولشەرلەمەسى بەرىلەدى. جالپى، جەكە باسپاناعا قول جەتكىزۋ ءۇشىن يپوتەكا ارقىلى دا ءۇي الۋعا بولادى. الايدا، قارجى ماماندارىنىڭ ايتۋىنشا، بۇل ءتيىمسىز ءادىس كورىنەدى.

«جاس وتباسى» مەملەكەتتىك باعدارلاماسى بويىنشا باسپانا الۋ ءۇشىن سوڭعى بەس جىلدا وتباسى مۇشەلەرىنىڭ اتىندا جىلجىمايتىن مۇلىك تىركەلمەۋى ءتيىس. سونىمەن قاتار، اتالمىش باعدارلاماعا جاستارى 29-عا تولماعان جاس وتباسىلار عانا قاتىسا الاتىنىن ايتا كەتكەن ءجون.

اقان بەكتاس