اقپارات جانە كوممۋنيكاسيا مينيسترلىگى زورلىق-زومبىلىقتان زارداپ شەككەن بالالاردىڭ قاۋىپسىزدىگىن قولعا الدى، دەپ جازادى قامشى اقپاراتتىق اگەنتتىگى.

بۇگىنگى تاڭداعى جاڭالىق اتاۋلىنىڭ تەڭ جارتىسى دەرلىك قورلىق كورگەن بالالار تۋراسىندا ەكەنى ءمالىم. عالامتوردان سۋرەتتەرىن جاريالايدى، ەسىمدەرىن اتايدى، كوورديناتالارىن كورسەتەدى. ءبىراق بۇل قانشالىقتى قاجەت؟ كامەلەت جاسقا تولماعان بالالاردى جاريالاعاننان نە پايدا؟ كەرىسىنشە ولاردىڭ قاۋىپسىزدىگىن ويلايتىن كىم بار؟ وسىنىڭ ءبارىن ەسكەرگەن اقپارات جانە كوممۋنيكاسيا مينيسترلىگى زورلىق-زومبىلىق كورگەن بالالاردى قورعاۋعا كىرىستى. ناقتى ۇسىنىستارى دا بار.

«زورلىق-زومبىلىق پەن قورلىق كورگەن بالالار جايىندا اقپاراتتاردى، مالىمەتتەردى جاريالاۋعا تىيىم سالۋدى ۇسىنامىز. مۇنداي ادىستەر بالالاردىڭ پسيحولوگياسىنا كەرى اسەرىن تيگىزۋى مۇمكىن»، - دەيدى ق ر اقپارات جانە كوممۋنيكاسيا ءمينيسترى داۋرەن ابايەۆ.

ونىڭ ۇستىنە، مينيسترلىك ءتۇبى سۋيسيدكە اكەلىپ سوعاتىن، سونداي-اق ەكسترەميزم، زورلىق، ناشاقورلىق سىندى توپتاردى بۇعاتتاۋدى جالعاستىرىپ كەلەدى. وتكەن جىلى ءدال وسىنداي 30 مىڭ اقپارات تاراتۋشىلاردىڭ جولى بوگەلگەن. ال 2017 جىل باستالعالى سۋيسيدكە اكەلىپ سوعاتىن 500-گە جۋىق توپ جابىلدى. جىل سوڭىنا دەيىن عالامتور قولدانۋشىلارى جاڭا «بالالار پاكەتى» دەپ اتالاتىن قىزمەتتى پايدالانا الاتىن بولادى.

اتالمىش قىزمەتتى قوسۋ ارقىلى بالانىڭ ءقاۋىپتى سايتتارعا كىرە المايتىنىنا سەنىمدىلىك تانىتۋعا بولادى. بالالار پاكەتىن ارنايى كوميسسيا قۇراتىن بولادى. مينيستر ۇسىنىپ وتىرعان قىزمەت تەك سايتتارعا عانا قاتىستى 

شولۋشى: گۇلىم جاقان