امەريكالىق وگايو شتاتىنداعى بيلىكتىڭ سايتتارى حاكەرلىك شابۋىلعا ۇشىرادى، دەپ جازادى قامشى اقپاراتتىق اگەنتتىگى. كەيىننەن دايش ەكسترەميستىك توبىنا قولداۋ بىلدىرگەن حابارلامالار كەلىپ تۇسكەن.
وگايو گۋبەرناتورى دجون كەيسيكتىڭ سايتىندا جاريالانعان حابارلاما مازمۇنى مىناداي: «اقش پرەزيدەنتى دونالد ترامپ مۇسىلمان مەملەكەتتەرىندەگى ءاربىر تامشى قان ءۇشىن جاۋاپ بەرەتىن بولادى. مەن دايش-تى جاقسى كورەمىن»، دەلىنگەن. حابارلاما دايش سيمۆوليكاسىندا قولدانىلاتىن اق جانە قارا تۇسپەن جازىلعان.
ب ا ق مۇنداي مازمۇنداعى حابارلامالار وگايو شتاتىنداعى باسقا دا رەسمي سايتتاردا، نيۋ-يورك شتاتىنىڭ برۋكحەيۆەن مۋنيسيپالدى اۋدانى، مەريلەند شتاتىنىڭ حاۋارد-كاۋنتي اۋدانىنداعى مەملەكەتتىك مەكەمەلەر سايتتارىنا ىلىنگەنىن حابارلادى.
سونداي-اق، گۋبەرناتور سايتىنا كىرە بەرگەندە دۇعا جاساۋعا شاقىراتىن اراب تىلىندەگى اۋديو جازبا قوسىلادى.
گۋبەرناتور اكىمشىلىگى سايتتاعى ماسەلەر جايىندا حابار الا سالىسىمەن جاعدايدى تۇزەۋگە كىرىسىپ كەتكەن.
Team System DZ حاكەرلىك توبى بۇعان دەيىنگى حاكەرلىك شابۋىلداردىڭ جاۋاپكەرشىلىگىن موينىنا العان.
شولۋشى: گۇلىم جاقان
