Massaget.kz جاستار پورتالىنداعى «اينا» باعدارلاماسى قازاقستان جازۋشىلار وداعى سىيلىعىنىڭ، قازاقستاننىڭ مەملەكەتتىك سىيلىعىنىڭ، تاۋەلسىز «تارلان» سىيلىقتارىنىڭ لاۋرەاتى، جازۋشى قابدەش جۇمادىلوۆپەن سىرلاستى.

قوس يمپەريانىڭ (جۇڭگو، كسرو) ءدامىن تاتىپ، 200 مىڭنان استام قازاقتى اتا قونىسىنا باستاپ كەلگەن تۇلعانىڭ كوكىرەگى تۇنعان قازىنا. ونەگەگە تولى جازۋشى ءومىرىنىڭ قازىناسىن قامشى اقپاراتتىق اگەنتتىگى وقىرمان نازارىنا ۇسىنۋدى ءجون كوردى.

قىتايعا قاراعان تارباعاتاي اۋماعىنداعى شاۋەشەك اۋىلىندا دۇنيەگە كەلگەن قابدەش ءجۇمادىلوۆ ستۋدەنت كەزىندە-اق ءومىردىڭ اششى ءدامىن تاتتى. قۋعىن-سۇرگىنگە ۇشىرادى. قينالعان قازاق جۇرتىن كورگەن ەل ازاماتى 20 مىڭنان استام قازاقتى اتا قونىسقا كوشىرمەك نيەتتە كوش باستايدى، سونىڭ سالدارىنان جۇڭگو جەرىنە دۇشپان اتانادى. الايدا تۋعان جەرگە دەگەن ساعىنىشى وزەگىن ورتەيدى، سول ساعىنىش شىعارماشىلىعىنا ارقاۋ بولادى، وزەك بولادى.

ەكى يمپەريانىڭ ءدامىن تاتقان قازاق جازۋىشىسى جەكە ادام باقىتتى بولۋى ءۇشىن حالىق باقىتتى بولۋى ءتيىس، جەكە ادام ازات بولۋى ءۇشىن ۇلت ازات بولۋى ءتيىس دەيدى.

حالىق ءۇشىن، ەل ءۇشىن كوڭىلى بوس نار تۇلعا جازۋشى قاۋىمدى ەموسيونالدى ادامعا بالادى. ماسەلەن، ءوز شىعارماسىن جازىپ وتىرىپ، ءوز كەيىپكەرى ولسە، اعىل-تەگىل جاىلايتىن كورىنەدى. قابانباي ولگەندە، باتىرمەن بىرگە جورىقتا بولىپ، كوزىنشە قازا تاپقانداي ەلمەن بىرگە قابانبايدى جوقتاپ ءجۇمادىلوۆ قوسا جىلاعان. نەمەسە «تاعدىر» رومانىنداعى دەمەجاندى دارعا اسار ساتتە كەيىپكەرىمەن قيماي قوشتاسقان. جازۋشى قاۋىمنىڭ سىرتتاي باتىل كورىنگەنىمەن، كوڭىلى بوس ەكەنى وسىعان دالەل.
 

سونداي-اق، كوزى كورگەن ۇلى تۇلعا رەتىندە مۇحتار اۋەزوۆتى اتادى. شىڭجاڭداعى ناۋقاندى ەسىنە الا وتىرىپ، ءوزىنىڭ جازۋشى بولعانى ءۇشىن قۋعىن-سۇرگىنگە ۇشىراعان ساتىمەن ءبولىستى. شەشىم شىعارىلعاندا جازۋشى ءبىرىنشى بولىپ مۇقاڭمەن قوشتاسقان، اڭىز ادامنىڭ باتاسىن العان.