ورتالىق كوممۋنيكاسيالار قىزمەتىنىڭ الاڭىندا ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى گۋلزات كوبەنوۆا جانە ق ر ءبىلىم جانە عىلىم مينيسترلىگىنىڭ ۇلتتىق تەستتىلەۋ ورتالىعىنىڭ ديرەكتورى رامازان اليمكۋلوۆتىڭ  قاتىسۋىمەن باسپا ءسوز كونفەرەنسيا ءوتتى دەپ حابارلايدى قامشى اقپاراتتىق اگەنتتىگى.

ۇلتتىق ءبىرىڭعاي تەستىلەۋ (بۇدان ءارى-ۇبت) ەلىمىزدىڭ 165 ۇبت وتكىزۋ پۋنكتتەرىندە اعىمداعى جىلدىڭ 20-27 ماۋسىمى ارالىعىندا جاڭا فورماتتا وتكىزىلدى. ۇبت-عا قاتىسۋعا 10(11) سىنىپتاردىڭ 92 827 تۇلەگى ءوتىنىش بەرىپ، ولاردىڭ 67 627 (76،3%) قازاق تىلىندە جانە 20 968 (23،6%) ورىس تىلىندە تاپسىرۋعا ءوتىنىش بەرگەن. جەرگىلىكتى اتقارۋ ورگاندارىنىڭ مالىمەتىنشە 35 000 اسا تۇلەكتەر ۇبت وتكىزۋ پۋنكتتەرىنە (بۇدان ءارى- ءۇبتوپ) جەتكىزىلىپ، تاماقپەن قامتاماسىز ەتىلگەن جانە ولاردىڭ 11 000 جاتار جايمەن قامتاماسىز ەتىلگەن. فاكت بويىنشا 88 583 ادام تەستىلەۋگە قاتىسىپ، ءوتىنىش بەرۋشىلەردىڭ 95،4% قۇرادى.

ۇبت جۇرگىزۋ ءۇشىن ايماقتارعا 1815 قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ وكىلدەرى (75% جوعارى وقۋ ورىندارىنىڭ پروفەسسور-وقىتۋشى، 25% كوللەدج مۇعالىمدەرى) جىبەرىلدى. ۇيىمداستىرۋ سۇراقتارىن شەشۋ مەن ۇبت مونيتورينگىن جۇرگىزۋ ءۇشىن  وتكىزۋ ورىندارىندا ءبىلىم بەرۋ مەكەمەلەرىنىڭ باسشىلارىنان، جەرگىلىكتى اتقارۋشى ورگاندارىنان، قۇقىققورعاۋ قىزمەتتەرى، قوعام مەن بۇقارالىق اقپارات قۇرالدار قىزمەتتەرنىڭ وكىلدەرىنەن تۇراتىن سانى 965 ادام مەملەكەتتىك كومميسيا قۇرىلعان. سونىمەن قاتار، الدىڭعى جىلدارداعى سياقتى ۇبتوپ-كە اۋا باپتاعىشتار قويىلىپ، مەديسينالىق (پسيحولوگيالىق) كومەك پۋنكتتەرى ۇيىمداستىرىلدى جانە قاۋىپسىزدىك قامتاماسىز ەتۋشى قىزمەتشىلەر كەزەكشىلىكتە تۇردى. اعىمداعى جىلى ءبىرىنشى رەت بۇلتتى ينتەرنەت ىسكە قوسىلدى. بۇل قىزمەت بارلىق ادامعا قازاقستاننىڭ كەز كەلگەن نۇكتەسىندە ءوتىپ جاتقان تەستىلەۋ بارىسىن قاداعالاۋعا جانە قۇقىق بۇزۋشىلىق دەڭگەيىن تومەندەتۋگە ايتارلىقتاي سەپتىگىن ءتيزىزدى.

ۇبت-نىڭ وتكىزۋ ەرەجەسى مەن تىيىم سالىنعان زاتتاردى قولدانعانى ءۇشىن تەستىلەۋدەن 12 ادام شىعارىلدى. تەستىلەۋ بارىسىندا 85446 تىيىم سالىنعان زاتتار، سونىن ىشىندە 43394 ەلەكتروندىق قۇرىلعى (ۇيالى سمارتفون، روۋتەر، مودەم جانە ت.ب) جانە 42052 قاعاز جۇزىندە (شپارگالكا، وقۋلىقتار جانە ت.ب) الىندى.

وتكىزۋ ورىندارىنداعى جەتەكشى ءمۇعالىم - ءپان مۇعالىمدەرىنەن قۇرالعان اپپەلياسيالىق كوميسسيا مۇشەلەرىنىڭ سانى – 3300 ادام، رەسپۋبليكالىق اپپەلياسيالىق كوميسسيا – 54. رەسپۋبليكالىق اپپەلياسيالىق كوميسسياعا مازمۇنى بويىنشا 199 تەست تاپسىرمالارى ءتۇسىپ، ونىڭ 103 قاناعاتتاندىرىلدى. تەحنيكالىق سەبەپتەرگە بايلانىستى كەلىپ تۇسكەن 12 تەست تاپسىرمانىڭ 7ء-ى قاناعاتتاندىرىلدى.

قازاقستان بويىنشا بەس پاننەن ۇبت قورىتىندىسى بويىنشا ورتاشا بالل 80،5 % (مۇمكىن بولعان 140 باللدان). بىلتىرعى جىلعى كورسەتكىش (مۇمكىن بولعان 125 باللدان)  81 % بولدى. شەكتىك دەڭگەيدەن، ياعني 50 بالل العان 74 517 ((84،1%)، ونىڭ ىشىندە 60-65 بالل: 5935 (7،9%)، 66-119 بالل: 52 717 (70،7%)، 120 – 139 بالل – 5 064 (6،8%). شەكتىك دەڭگەيدەن وتە الماعاندار سانى  14 066 ادام (15،8%). 

ەڭ جوعارى بالل جيناعان الماتى قالاسىنداعى «م.ماقاتايەۆ اتىنداعى №140 گيمنازيا» كمم ءبىتىرۋشىسى تاسان سايات ەلتاي ۇلى – 139 بالل، 7 ادام – 138 بالل جينادى. 2017 جىلى ۇبت وتكىزۋ بارىسىنداعى بارلىق ءىس-شارا شتاتتىق تارتىپتە ءوتتى. حالىق ۇبت-نىڭ جاڭا فورماتىن جاقسى قابىلدادى.

شولۋشى: اسەم المۇحانبەت