اقمولا وبلىسىنىڭ بۋراباي اۋدانىندا دۇنيەجۇزى قازاقتارىنىڭ V قۇرىلتايى ءوتتى، دەپ حابارلايدى قامشى اقپارات اگەنتتىگى قازاقپاراتقا سىلتەمە جاساپ.

ەلباسى نۇرسۇلتان نازاربايەۆتىڭ «نۇرلى كوش» باعدارلاماسى اياسىندا اتامەكەن اۋىلى اۋماعىندا «قۇت مەكەن - اتاجۇرتقا ورالعاندارعا - 25 جىل...» اتتى تاقىرىپپەن وتكەن شاراعا استانادان كەلگەن قوناقتار مەن بۋراباي اۋدانىنىڭ اكىمى قانات قاراۋىلوۆ قاتىسىپ، قۇتتىقتاۋ ءسوز سويلەدى.

تويدا كوپ بالا ءوسىرىپ، تاربيەلەگەن انالار «التىن القا» جانە «كۇمىس القا» يەگەرلەرى اۋدان اكىمىنىڭ العىس حاتىمەن ماراپاتتالدى. شارادا جەرگىلىكتى كوركەمونەرپازدار ۇجىمدارىنىڭ كونسەرتتىك باعدارلاماسى مەن الامان-بايگە، كۇنان بايگە، كوكپار تارتىس، قىز كۋۋ، قازاقشا كۇرەس ءتارىزدى ۇلتتىق سپورت ويىندارىنىڭ جارىسى ءوتىپ، ۇزدىكتەرى ماراپاتتالدى.

سونداي-اق، ەتنواۋىل، اقىندار ايتىسى مەن قولدانبالى ونەر شەبەرلەرىنىڭ كورمەسى دە توي قوناقتارىنىڭ قىزىعۋشىلىعىن ارتتىردى.