قاراعاندىدا وسىدان ەكى جىل بۇرىن جوعالىپ كەتكەن مۇگەدەك قىزدى ەرىكتىلەر تاپتى دەپ حابارلايدى قامشى اقپاراتتىق اگەنتتىگى Rina.kz-كە سىلتەمە جاساپ. بۇعان دەيىن پوليسەيلەر ءىستى «ولىمگە» اۋىستىرۋدى ۇسىنعان.

26 جاستاعى ليۋبوۆ نوعايبايەۆا پسيحديسپانسەردە ەسەپتە تۇرعان.  اناسى ونىڭ وتە اشۋلانشاق بولعانىن، كىشكەنتاي بالالاردى ۇنەمى سوققىنىڭ استىنا الاتىنىن جانە ۇيدەن ۇزاق ۋاقىتقا كەتىپ قالاتىنىن ايتادى.

ەرىكتىلەر ونى تاۋىپ العاندا ونىڭ بۇرىنعى اشۋلانشاقتىعىنىڭ ءىزى دە قالماعانىن جەتكىزەدى. ابدەن جۇدەگەن قىزدىڭ دەنەسى كوك الا قويداي سوعىلعان. اناسى ونىڭ بۇرىن ناشار ۇيىقتايتىنىن ايتسا، ءقازىر وتە كوپ ۇيىقتايتىنىن، ادامداردان قورقىپ قالعانىن ايتادى.

ءقازىر ليۋبوۆ نوعايبايەۆانى ىزدەۋ تۋرالى ءىس جابىلدى، الايدا ق ر قك 1 ءبولىمى 126 بابى بويىنشا قىلمىستىق ءىس قوزعالدى.

شولۋشى: اسەم المۇحانبەت