ماسكەۋ ساياباعىندا قىرعىزستان قىزىن  ەكى ەر ادام زورلاپ كەتكەن دەپ حابارلايدى قامشى اقپاراتتىق اگەنتتىگى  شەتەلدىك باق-قا سىلتەمە جاساي وتىرىپ.

بۇل وقيعا 18 ماۋسىم كۇنى ماسكەۋ قالاسىنىڭ دميتروۆ اۋدانىندا بولعان.قىرعىزستان قىزى مەلس ەسىمدى جىگىتپەن تانىسقان. جىگىت ءوز دوسىمەن قىزدى تانىستىرادى. 1989 جىلعى قىرعىزستان تۋماسىن جەرلەستەرى اۋىزاشارعا شاقىرعان.  سول كەزدە قىزعا تاپ بەرىپ سابايدى دا، ساياباقتا زورلاپ كەتەدى. ەكى جىگىتتىڭ بىرەۋى زورلىق كورسەتسە، ەكىنشىسى ۆيدەوعا ءتۇسىرىپ  تۇرادى. ۆيدەومەن قىزدى بوپسالاعان. پوليسيالارعا ايتاتىن بولساڭ ۆيدەونى ينتەرنەت جەلىسىنە سالىپ جىبەرەمىز دەگەن. قىز قاتتى قورىققاننان شوشىپ قالعان. قىز شىداي الماي پوليسيا قىزمەتكەرلەرىنە بارلىق جاعدايدى بايانداپ بەرەدى.

24 ماۋسىم كۇنى قىزدى زورلاعان جىگىتتىڭ ءبىرى ۇستالادى. "1984 جىلعى ەر ادام ۇستالىپ، ول ءوز كىناسىن مويىندادى. قالعان كۇدىكتىلەر انىقتالۋ ۇستىندە. ولاردىڭ وزگە دە قىلمىستارعا قاتىسى بار-جوقتىعى تەكسەرىلىپ جاتىر"، - دەيدى قىرعىزستان ءىىم وكىلى رايم ساليموۆ.